បណ្ដាកម្លាំងចូលរួម AMNEX-1 ធ្វើសមយុទ្ធនៅកំពង់ផែសមុទ្រ
កប.អនឡាញ - នាថ្ងៃទី១៥ ខែវិច្ឆិកា ក្នុងក្របខ័ណ្ឌបណ្ដាសកម្មភាពសមយុទ្ធពុហភាគីទ័ពជើងទឹក ASEAN លើកទី១ (AMNEX-1) នៅក្លឹបនាយទាហាននៃរោងចក្រផលិតនាវា Mahidol នៅទីក្រុង Pattaya ប្រទេសថៃ ក្រុមសេនាធិការប្រយុទ្ធនៃនាវាលេខ ០១២ - Ly Thai To របស់កងទ័ពជើងទឹកវៀតណាម រួមជាមួយតំណាងទ័ពជើងទឹកនៃបណ្ដាប្រទេសដែលចូលរួម AMNEX-1 បានអនុម័តផែនការធ្វើដំណើរទៅសមុទ្រ និងធ្វើសមយុទ្ធត្រាប់តាមខ្លឹមសារដែលបានឯកភាពនៅលើផែនទី។
ក្រុមសេនាធិការប្រយុទ្ធនៃនាវាលេខ ០១២ - Ly Thai To ចូលរួមសមយុទ្ធត្រាប់តាមនៅលើផែនទី
ការធ្វើសមយុទ្ធនេះ នឹងដំណើរការនៅលើឈូងសមុទ្រថៃខាងជើងនាថ្ងៃទី២១ វិច្ឆិកា។
ពិភាក្សានៅសិក្ខាសាលាសេនាធិការ
សូមរំលឹកថា នាថ្ងៃទី១៤ វិច្ឆិកា នៅក្លឹបនាយទាហាននៃរោងចក្រផលិតនាវា Mahidol បានប្រព្រឹត្តទៅសិក្ខាសាលាអ្នកជំនាញការ (LFE) និងសិក្ខាសាលាសេនាធិការ (TTX)។ នៅសិក្ខាសាលាទាំងពីរនេះ អ្នកជំនាញការនាំមុខគេលើវិស័យនាវាចរណ៍ បរិស្ថាន ច្បាប់អន្តរជាតិ និងតំណាងទ័ពជើងទឹកនៃបណ្ដាប្រទេស ASEAN បានផ្លាស់ប្តូរយោបល់ និងចែករំលែកបទពិសោធន៍អំពីបញ្ហានៅលើសមុទ្រ រក្សា និងអភិរក្សបរិស្ថានសមុទ្រ។ល។
មេបញ្ជាការកងនាវាចម្បាំងនៃព្រះរាជាណាចក្រថៃ និងមេបញ្ជាការមូលដ្ឋានទ័ពជើងទឹក Sattahip រួមជាមួយប្រធានក្រុម និងនាវិកនាយកថតរូបជាអនុស្សាវរីយ៍
នៅថ្ងៃដដែល ប្រធានក្រុមបេសកកម្មកងទ័ពជើងទឹកវៀតណាម លោកនាវិកនាយកនាវាលេខ ០១២ - Ly Thai To រួមជាមួយអស់លោកប្រធានកងទ័ពជើងទឹក និងនាវិកនាយកនៃបណ្ដាប្រទេសចូលរួម AMNEX-1 បានជួបសម្ដែងការគួរសមលោកមេបញ្ជាការកងនាវាចម្បាំងនៃព្រះរាជាណាចក្រថៃ និងមេបញ្ជាការមូលដ្ឋានទ័ពជើងទឹក Sattahip នៅបញ្ជាការដ្ឋានកងនាវាចម្បាំង នៅមូលដ្ឋាន Sattahip៕
បកប្រែដោយ Thuy Anh