កងទ័ពជើងទឹកវៀតណាមបានផ្លាស់ប្តូរជំនាញជាមួយកងទ័ពជើងទឹកជប៉ុន
កប.អនឡាញ - នាព្រឹកថ្ងៃទី ១៣ មីនា នៅទីក្រុង Hai Phong ប្រទេសវៀតណាម កងទ័ពជើងទឹកវៀតណាមនិងកងទ័ពជើងទឹកជប៉ុនបានបិទសិក្ខាសាលាស្ដីពីវេជ្ជសាស្ត្រ។ សិក្ខាសាលានេះបានទាក់ទាញការចូលរួមពីគ្រូពេទ្យ វេជ្ជបណ្ឌិត និងអ្នកបច្ចេកទេសចំនួនជាង ៦០ នាក់ មកពីកងទ័ពជើងទឹកវៀតណាម ជប៉ុននិងសហរដ្ឋអាមេរិក។
|
|
គណៈប្រតិភូទាំងឡាយផ្លាស់ប្ដូរជំនាញនៅសិក្ខាសាលា |
សិក្ខាសាលានេះ សំដៅអនុវត្តកម្មវិធីផ្លាស់ប្តូរជំនាញ ពង្រីកទំនាក់ទំនងមិត្តភាពសាមគ្គីភាព និងការយល់គ្នាទៅវិញទៅមករវាងកងទ័ពជើងទឹកវៀតណាម និងជប៉ុន តាមរយៈនោះជួយឱ្យកងទ័ពជើងទឹកវៀតណាមបន្តធានាគុណភាព និងលើកកម្ពស់ការថែទាំសុខភាពសម្រាប់កងកម្លាំងប្រយុទ្ធក្រោមទឹក និងនាវិកនៃនាវាមុជទឹក ទ័ពពិសេសកងទ័ពជើងទឹក និងអ្នកមុជទឹក។
នៅឯសិក្ខាសាលាបានរបាយការណ៍អំពីជំនាញវេជ្ជសាស្ដ្រដូចជា ការធានាផ្នែកវេជ្ជសាស្ត្រសម្រាប់សកម្មភាពមុជទឹក ជាពិសេសការមុជទឹកជ្រៅ ការសង្គ្រោះ និងការព្យាបាលជំងឺដែលកើតឡើងមកពីសកម្មភាពមុជទឹកជាដើម៕
បកប្រែដោយ Pham Diep