ជម្រុញកិច្ចហប្រតិបត្តិការលើវិស័យបច្ចេកទេសយោធារវាងវៀតណាម និងសហព័ន្ធរុស្ស៊ី
កប.អនឡាញ - នារសៀលថ្ងៃទី៦ ខែមីនា នៅទីស្នាក់ការក្រសួងការពារប្រទេសវៀតណាម លោកឧត្តមសេនីយ៍ឯក Be Xuan Truong អនុរដ្ឋមន្រ្តីក្រសួងការពារប្រទេសវៀតណាម ប្រធានអនុគណៈកម្មាធិការវៀតណាមនៃគណៈកម្មាធិការអន្តររដ្ឋាភិបាលវៀតណាម - សហព័ន្ធរុស្ស៊ីស្ដីពីកិច្ចសហប្រតិបត្តិការលើវិស័យបច្ចេកទេសយោធា បានសន្ទនាជាមួយលោក Vladimir Nikolaevich Drozhzhov នាយករងស្ថាប័នសហព័ន្ធស្ដីពីកិច្ចហប្រតិបត្តិការលើវិស័យបច្ចេកទេសយោធារុស្ស៊ី ប្រធានអនុគណៈកម្មាធិការរុស្ស៊ីនៃគណៈកម្មាធិការអន្តររដ្ឋាភិបាលវៀតណាម - សហព័ន្ធរុស្ស៊ី។
|
|
លោកឧត្តមសេនីយ៍ឯក Be Xuan Truong ទទួលលោក Vladimir Nikolaevich Drozhzhov (រូបថត៖ vnanet.vn) |
លោកឧត្តមសេនីយ៍ឯក Be Xuan Truong ស្វាគមន៍គណៈប្រតិភូ ដែលបានមកបំពេញទស្សនកិច្ចការងារនៅវៀតណាម។ លោកឧត្តមសេនីយ៍ឯក Be Xuan Truong សង្កត់ធ្ងន់ថា វៀតណាមផ្តោតជាសំខាន់ទៅលើទំនាក់ទំនងភាពជាដៃគូ យុទ្ធសាស្រ្ត លើគ្រប់ជ្រុងជ្រោយជាមួយសហព័ន្ធរុស្ស៊ី។ រីឯលោក Vladimir Nikolaevich Drozhzhov ប្រសិទ្ធិពរនៅឱកាសរំលឹកខួបលើកទី៣០ ថ្ងៃបង្កើតមជ្ឈមណ្ឌលត្រូពិចវៀតណាម - រុស្ស៊ី (ថ្ងៃទី៧ ខែមីនា ឆ្នាំ១៩៨៨/ ទី៧ ខែមីនា ឆ្នាំ២០១៨) និងសង្កត់ធ្ងន់ថា មជ្ឈមណ្ឌលនេះគឺជានិមិត្តរូបនៃទំនាក់ទំនងកិច្ចសហប្រតិបត្តិការរវាងប្រទេសទាំងពីរ។
នៅកិច្ចសន្ទនា ភាគីទាំងពីរបានសម្ដែងនូវក្តីរីករាយចំពោះទំនាក់ទំនងភាពជាដៃគូ យុទ្ធសាស្រ្ត លើគ្រប់ជ្រុងជ្រោយវៀតណាម - សហព័ន្ធរុស្ស៊ី ដែលមានការរីកចំរើនយ៉ាងសកម្ម។ ភាគីទាំងពីរបានវាយតំលៃខ្ពស់នូវតួនាទី និងអត្ថន័យនៃទំនាក់ទំនងកិច្ចសហប្រតិបត្តិការលើវិស័យការពារជាតិ ក្នុងនេះមានវិស័យបច្ចេកទេសយោធា។ ភាគីទាំងពីរបញ្ជាក់ថា នឹងបន្តពង្រឹងនិងពង្រីកថែមទៀតវិស័យបច្ចេកទេសយោធានិយាយដោយឡែក និងទំនាក់ទំនងកិច្ចសហប្រតិបត្តិការលើវិស័យការពារជាតិទ្វេភាគីនិយាយរួម៕
បកប្រែដោយ Thanh Cong