ម្ចាស់ផ្ទះកម្ពុជារៀបចំកន្លែងហ្វឹកហាត់ដ៏ល្អសម្រាប់ក្រុមបាល់ទាត់់ U22 វៀតណាម
កប.អនឡាញ - ម្ចាស់ផ្ទះកម្ពុជារៀបចំការប្រកួតកីឡាស៊ីហ្គេមលើកទី ៣២ បានប្រកាសកន្លែងហ្វឹកហាត់សម្រាប់ក្រុមបាល់ទាត់ U22 វៀតណាម មុនពេលក្រុមបាល់ទាត់របស់គ្រូបង្វឹក Philippe Troussier ចេញទៅចូលរួមប្រកួតស៊ីហ្គេមលើកទី៣២។
យោងតាមសេចក្តីប្រកាសនាពេលថ្មីៗនេះ គណៈកម្មការរៀបចំការប្រកួតកីឡាបាល់ទាត់បុរសហ្គេមលើកទី ៣២ បានឲ្យដឹងថា ការហ្វឹកហាត់ចំនួន ៣ ពេលរបស់ក្រុមបាល់ទាត់ U22 វៀតណាម នឹងប្រព្រឹត្តទៅលើកីឡដ្ឋាន (NIPES) ដែលមានចម្ងាយ ១២ គីឡូម៉ែត្រ ពីកណ្តាលរាជធានីភ្នំពេញ។
កីឡដ្ឋាន NIPES មិនមែនជាកន្លែងចម្លែកសម្រាប់ក្រុមបាល់ទាត់ U22 វៀតណាមនោះទេ។ នៅការប្រកួតពានរង្វាន់ U23 អាស៊ីឆ្នាំ ២០២២ ក្រុមបាល់ទាត់ U23 វៀតណាមក៏ត្រូវបានរៀបចំឱ្យហ្វឹកហាត់នៅកីឡដ្ឋាននេះដែរ។
    |
 |
|
ម្ចាស់ផ្ទះកម្ពុជារៀបចំកន្លែងហ្វឹកហាត់ដ៏ល្អសម្រាប់ក្រុមបាល់ទាត់់ U22 វៀតណាម (រូបថត៖ VFF) |
សូមបញ្ជាក់ថា នាយប់ថ្ងៃទី ២៥ ខែមេសា ប៉ុន្មានម៉ោងមុនពេលក្រុមបាល់ទាត់ U22 វៀតណាម ចេញដំណើរទៅកម្ពុជា ទើបគណៈកម្មការរៀបចំការប្រកួតកីឡាស៊ីហ្គេមប្រកាសកន្លែងហ្វឹកហាត់សម្រាប់ក្រុមបាល់ទាត់ U22 វៀតណាម ។
ការប្រកួតកីឡាបាល់ទាត់បុរស និងនារីនៃស៊ីហ្គេមលើកទី៣២ នឹងប្រព្រឹត្ដទៅនៅរាជធានីភ្នំពេញ។ ដោយមានក្រុមបាល់ទាត់ចំនួន ១៦ ក្រុម នឹងហ្វឹកហាត់ក្នុងអំឡុងពេលនេះ។ ដូច្នេះគណៈកម្មការរៀបចំត្រូវចំណាយពេលជាច្រើនដើម្បីរៀបចំកន្លែងហ្វឹកហាត់សមស្របសម្រាប់ក្រុមទាំងអស់។
ក្រុមបាល់ទាត់ U22 វៀតណាម នឹងប្រកួតវគ្គជំរុះនៅកីឡដ្ឋាន Prince។ នេះជាទឹកដីរបស់ក្លឹប Visakha ដែលជាក្រុមបាល់ទាត់ដ៏ល្បីនៅកម្ពុជា។ កីឡដ្ឋាន Prince មានស្មៅដ៏ល្អ សម្ភារៈបរិក្ខារដ៏គួរឱ្យចាប់អារម្មណ៍ ប៉ុន្តែមានចម្ងាយប្រហែល ១៥ គីឡូម៉ែត្រ ពីកណ្តាលរាជធានីភ្នំពេញ។
ការប្រកួតបើកឆាករបស់ក្រុមបាល់ទាត់ U22 វៀតណាម គឺប៉ះជាមួយក្រុមបាល់ទាត់ U22 ឡាវ នៅថ្ងៃទី ៣០ មេសា៕
បកប្រែដោយ Pham Diep