វៀតណាមផ្តោតសំខាន់លើការរួមចំណែកក្នុងការអភិវឌ្ឍកីឡាអូឡាំពិកអន្តរជាតិ

នៅក្នុងជំនួបនេះ លោកប្រធាន IOC បានទទួលស្គាល់ និងវាយតម្លៃខ្ពស់ចំពោះការខិតខំប្រឹងប្រែង និងការអភិវឌ្ឍវិស័យកីឡារបស់វៀតណាមក្នុងប៉ុន្មានឆ្នាំថ្មីៗនេះ រួមចំណែកក្នុងការអភិវឌ្ឍកីឡាអូឡាំពិកអន្តរជាតិ។ លោក Thomas Bach សង្ឃឹមថា  រដ្ឋាភិបាលវៀតណាមនឹងយកចិត្តទុកដាក់បន្ថែមទៀតលើវិស័យកីឡា ជាពិសេសកីឡាអូឡាំពិក ដើម្បីឲ្យកីឡាវៀតណាមមានឋានៈកាន់តែប្រសើរលើឆាកអន្តរជាតិ។

លោក Nguyen Van Hung រដ្ឋមន្ត្រីក្រសួងវប្បធម៌ កីឡា និងទេសចរណ៍ ជួបជាមួយលោក Thomas Bach ប្រធានគណៈកម្មាធិការអូឡាំពិកអន្តរជាតិ (IOC) (រូបថត៖ vnanet.vn)

នាថ្ងៃដដែល លោក Nguyen Van Hung រដ្ឋមន្ត្រី បានធ្វើការជាមួយលោក James Macleod នាយកទទួលបន្ទុកកិច្ចការបរទេស និងទំនាក់ទំនងជាមួយគណៈកម្មាធិការជាតិអូឡាំពិកនៃ IOC។ នៅក្នុងជំនួបនេះ លោក Nguyen Van Hung រដ្ឋមន្ត្រី បានអះអាងថា ក្នុងនាមជាសមាជិកដែលមានការទទួលខុសត្រូវ វៀតណាមបានចូលរួមយ៉ាងពេញលេញក្នុងសកម្មភាពរបស់ IOC និងសហការជាមួយអង្គការនានាដើម្បីជំរុញចលនាអូឡាំពិកក្នុងប្រទេសនិងតំបន់។ 

ជាការឆ្លើយតប លោក James Macleod បានបញ្ជាក់ថា IOC តែងតែត្រៀមខ្លួនជាស្រេចលើកិច្ចសហប្រតិបត្តិការជាមួយវៀតណាមលើវិស័យកីឡាមានប្រៀបខ្លាំងមួយចំនួនដើម្បីទទួលបានលទ្ធផលល្អបំផុតនៅ ASIAD ឬនៅកីឡាអូឡាំពិកឆ្នាំ ២០២៤៕

តាម vovworld.vn