ទីក្រុងហាណូយបើកសម្ពោធឆ្នាំទេសចរណ៍ Son Tay - ដំបន់ដី Doai និងខ្សែផ្លូវដើរថ្មើរជើង កំពែងបុរាណ Son Tay

ក្នុងពិធីបើក លេខារងគណៈកម្មាធិការបក្សទីក្រុងហាណូយលោកស្រី Nguyen Thi Tuyen បានអះអាងថា៖ តាមផែនការមេស្ដីពីការអភិវឌ្ឍរដ្ឋធានីដល់ឆ្នាំ ២០៣០ និងចក្ខុវិស័យដល់ឆ្នាំ ២០៥០ នោះ ទីរួមខេត្ត Son Tay នឹងអភិវឌ្ឍឆ្ពោះទៅមុខឲ្យក្លាយទៅជាតំបន់ទីនគររណបរបស់ទីក្រុងហាណូយជាមួយមុខងារជានគរវប្បធម៌ ប្រវត្តិសាស្ត្រ អេកូឡូស៊ី និងទេសចរណ៍សម្រាកលំហែកាយ។ កម្មវិធីបើកសម្ពោធឆ្នាំទេសចរណ៍ Son Tay - ដំបន់ដី Doai និងខ្សែផ្លូវដើរថ្មើរជើង កំពែងបុរាណ Son Tay គឺជាបុព្វបទបោះជំហានទៅមុខ ដាស់សក្ដានុពលដ៏ធំធេងសម្រាប់ការអភិវឌ្ឍទីរួមខេត្ត  ជាពិសេសគឺការអភិវឌ្ឍសេដ្ឋកិច្ច ទេសចរណ៍ ដោយផ្សារភ្ជាប់ជាមួយនឹងការអភិរក្ស និងពង្រីករាល់តម្លៃបេតិកភណ្ឌវប្បធម៌គំរូ រួមទាំងការពង្រីកសក្ដានុពលនៃមណ្ឌលទេសចរណ៍ក្នុងស្រុក។

ទិដ្ឋភាពនៃពិធីបើកសម្ពោធ (រូបថត៖ vtv.vn)

ឆ្នាំទេសចរណ៍ Son Tay - តំបន់ដី Doai បានផ្តោតសំខាន់លើការទាញយកសក្តានុពលនៃទេសចរណ៍វប្បធម៌ រួមផ្សំជាមួយគោលដៅសម្រាកលំហែកាយ ទទួលបទពិសោធន៍ លេងកម្សានក្នុងតំបន់ជិតខាង។ គោលដៅវប្បធម៌ល្បីឈ្មោះដូចជា កំពែងបុរាណ Son Tay វិហារ Va វត្ត Mia ភូមិបុរាណនៅ Duong Lam ប្រាសាទអក្សរសាស្ត្រ Son Tay  រួមជាមួយនឹងតំបន់ទេសចរណ៍បឹង Dong Mo ដែលមានទីលានវាយកូនហ្គោលស្តង់ដារអន្តរជាតិ ភូមិទេសចរណ៍វប្បធម៌នៃក្រុមជនជាតិភាគតិចវៀតណាម និងប្រព័ន្ធគោលដៅទេសចរណ៍ ក្នុងតំបន់នឹងក្លាយជាគោលដៅសម្រាប់ភ្ញៀវទេសចរមកទស្សនា និងសម្រាកលំហែកាយផងដែរ៕

តាម vovworld.vn