អ៊ុយក្រែនប្រកាសពីកិច្ចព្រមព្រៀងសន្តិសុខប្រវត្តិសាស្ត្រជាមួយសហរដ្ឋអាមេរិកនៅទីក្រុងដាវ៉ូស

លោក Volodymyr Zelensky ប្រធានាធិបតីអ៊ុយក្រែន និងលោក Donald Trump ប្រធានាធិបតីអាមេរិក ចាប់ដៃគ្នាក្នុងកិច្ចប្រជុំមួយនៅខាងក្រៅវេទិកាសេដ្ឋកិច្ចពិភពលោក (WEF) លើកទី ៥៦  នៅទីក្រុង ដ៉ាវ៉ូស ប្រទេសស្វីស នៅថ្ងៃទី២២ ខែមករា ឆ្នាំ ២០២៦ (រូបថត៖ ការិយាល័យសារព័ត៌មានរបស់ប្រធានាធិបតីអ៊ុយក្រែន/REUTERS)

លោក Volodymyr Zelensky បានគូសបញ្ជាក់ថា កិច្ចព្រមព្រៀងនេះត្រូវបានរចនាឡើងជាខែលផ្លូវច្បាប់ និងយោធាសម្រាប់អ៊ុយក្រែន ដោយមានគោលបំណងទប់ស្កាត់ការប៉ុនប៉ងបន្តជម្លោះនាពេលអនាគតណាមួយរបស់រុស្ស៊ី។ ទោះជាយ៉ាងណាក៏ដោយ កិច្ចព្រមព្រៀងនេះ នៅតែត្រូវឆ្លងកាត់ជំហានចុងក្រោយនៃការចុះហត្ថលេខាជាផ្លូវការរវាងមេដឹកនាំទាំងពីរ មុនពេលដាក់ជូនសភាអាមេរិក និងអ៊ុយក្រែនសម្រាប់ការផ្តល់សច្ចាប័ន។

នៅខាងសហរដ្ឋអាមេរិក លោក Donald Trump ប្រធានាធិបតីអាមេរិក បានឲ្យដឹងថា កិច្ចប្រជុំនេះមានភាពវិជ្ជមាន និងបានបញ្ជាក់ពីសារដែលបានផ្ញើទៅកាន់ប្រធានាធិបតីរុស្ស៊ីថា៖ «ជម្លោះត្រូវតែបញ្ចប់»។ ភាគីរុស្ស៊ីមិនទាន់ឆ្លើយតបទៅនឹងកិច្ចប្រជុំនេះនៅឡើយទេ៕

តាម vovworld.vn