បារាំងប្រកាសទទួលស្គាល់រដ្ឋប៉ាឡេស្ទីនជាផ្លូវការ
នៅលើបណ្តាញសង្គម X និង Instagram ប្រធានាធិបតីបបារាំងលោក Emmanuel Macron នៅថ្ងៃទី ២៤ ខែកក្កដា បានប្រកាសថា ទីក្រុងប៉ារីសនឹងទទួលស្គាល់រដ្ឋប៉ាឡេស្ទីនជាផ្លូវការនៅក្នុងសម័យប្រជុំនៃមហាសន្និបាតអង្គការសហប្រជាជាតិនៅខែកញ្ញាខាងមុខនេះ។
មេដឹកនាំបារាំងបានអះអាងថា នេះជាជំហានមួយស្របតាម "ការប្តេជ្ញាចិត្តជាប្រវត្តិសាស្ត្រ" របស់ទីក្រុងប៉ារីស ចំពោះ "សន្តិភាពដ៏ត្រឹមត្រូវនិងយូរអង្វែងនៅមជ្ឈិមបូព៌ា"។ លោកប្រធានាធិបតី Macron ក៏បានអំពាវនាវដល់សហគមន៍អន្តរជាតិឱ្យចូលរួមកម្លាំងដើម្បី "កសាងរដ្ឋប៉ាឡេស្ទីន ធានានូវអត្ថិភាព និងធ្វើឱ្យវាមានមុខងារ" ដើម្បី "រួមចំណែកដល់សន្តិសុខរបស់ប្រជាជនទាំងអស់នៅមជ្ឈិមបូព៌ា"។ លើសពីនេះ លោកប្រធានាធិបតី Macron បានសង្កត់ធ្ងន់ថា “អាទិភាពបន្ទាន់នៅពេលនេះ គឺការបញ្ចប់សង្គ្រាមនៅហ្គាហ្សា និងសង្គ្រោះជនស៊ីវិល”។
    |
 |
|
ប្រធានាធិបតីបារាំង លោក Emmanuel Macron (រូបថត៖ REUTERS) |
មេដឹកនាំបារាំងក៏បានបញ្ចេញខ្លឹមសារនៃលិខិតដែលលោកផ្ញើទៅកាន់ប្រធានអាជ្ញាធរប៉ាឡេស្ទីនលោក Mahmoud Abbas ដោយបញ្ជាក់ពីចេតនារបស់បារាំងក្នុងការក្លាយជាមហាអំណាចលោកខាងលិចដំបូងគេដែលទទួលស្គាល់រដ្ឋប៉ាឡេស្ទីន។
យោងតាមស្ថិតិប្រព័ន្ធផ្សព្វផ្សាយអន្តរជាតិ រដ្ឋប៉ាឡេស្ទីនបច្ចុប្បន្នត្រូវបានទទួលស្គាល់ ឬគ្រោងនឹងទទួលស្គាល់ដោយប្រទេសយ៉ាងហោចណាស់ ១៤២ ក្នុងចំណោមសមាជិកទាំង ១៩៣ នៃអង្គការសហប្រជាជាតិ៕
តាម vovworld.vn