រុស្ស៊ី និងអ៊ុយក្រែន នឹងបន្តកិច្ចចរចាដោយផ្ទាល់នៅទីក្រុងអ៊ីស្តង់ប៊ុល
កាលថ្ងៃទី ២៨ ឧសភា លោក Sergey Lavrov រដ្ឋមន្ត្រីការបរទេសរុស្ស៊ី បានឲ្យដឹងថា គណៈប្រតិភូរុស្ស៊ី និងអ៊ុយក្រែន គ្រោងនឹងធ្វើកិច្ចចរចាដោយផ្ទាល់ជុំទីពីរនៅទីក្រុងអ៊ីស្តង់ប៊ុល ប្រទេសទួរគី នៅថ្ងៃទី ២ ខែមិថុនា ដើម្បីស្វែងរកដំណោះស្រាយសន្តិភាព សម្រាប់ជម្លោះនាបច្ចុប្បន្ន។
លោក Lavrov បានសង្កត់ធ្ងន់ថា កិច្ចសន្ទនាត្រូវបានស្តារឡើងវិញ ដោយមានការគាំទ្រពីសហរដ្ឋអាមេរិក អារ៉ាប៊ីសាអូឌីត និងទួរគី។ មុននោះ កិច្ចចរចាជុំទីមួយនៅទីក្រុងអ៊ីស្តង់ប៊ុលកាលពីថ្ងៃទី ១៦ ឧសភា សម្រេចបានលទ្ធផលមួយចំនួន រួមទាំងកិច្ចព្រមព្រៀងផ្លាស់ប្តូរអ្នកទោសក្នុងទម្រង់ "១០០០ សម្រាប់ ១០០០"។
    |
 |
|
លោក Sergey Lavrov រដ្ឋមន្ត្រីការបរទេសរុស្ស៊ី ថ្លែងកាលពីថ្ងៃទី ២៨ ឧសភា (រូបថតអេក្រង់/Reuters) |
យោងតាមរដ្ឋមន្ត្រីការបរទេសរុស្ស៊ី ភាគីរុស្ស៊ីបានត្រៀមខ្លួនរួចជាស្រេចធ្វើអនុស្សរណៈយោគយល់គ្នាមួយ ដោយបង្ហាញពីគោលជំហររបស់ខ្លួនក្នុងការដោះស្រាយយ៉ាងទូលំទូលាយនូវឫសគល់នៃជម្លោះ និងពិភាក្សាអំពីលក្ខខណ្ឌសម្រាប់បទឈប់បាញ់។
លោក វ្ល៉ាឌីមៀ មេឌីនស្គី ជំនួយការប្រធានាធិបតីរុស្ស៊ី ក៏បានបញ្ជាក់ថា ក្រុមចរចាកំពុងរៀបចំឯកសារ ហើយត្រៀមខ្លួនជាស្រេចដើម្បីពិភាក្សាលើប្រយោគនីមួយៗនៃកិច្ចព្រមព្រៀងឈប់បាញ់។ ភាគីរុស្ស៊ីក៏បានស្នើពេលវេលា និងទីកន្លែងជាក់លាក់ សម្រាប់ការផ្លាស់ប្តូរអនុស្សរណៈយោគយល់គ្នានេះ ហើយបានបង្ហាញពីបំណងចង់ចាប់ផ្តើមដំណើរការចរចាជាក់ស្តែងក្នុងពេលឆាប់ៗនេះ៕
តាម vovworld.vn