វិមានក្រឹមឡាំង៖ ជំនួបកំពូលរុស្ស៊ី-អាមេរិកនឹងប្រព្រឹត្តទៅឆាប់បំផុត
ឆ្លើយសំណួររបស់អ្នកសារព័ត៌មាន នាថ្ងៃទី ២០ ខែកុម្ភៈ អ្នកនាំពាក្យវិមានក្រឹមឡាំង លោក Dmitry Peskov បានឲ្យដឹងថា រុស្ស៊ីបានឯកភាព បន្តការសន្ទនាជាមួយសហរដ្ឋអាមេរិកលើគ្រប់បញ្ហាទាក់ទងនឹងជម្លោះនៅអ៊ុយក្រែន រួមទាំងបញ្ហាផ្លាស់ប្តូរអ្នកទោសផងដែរ។
លោក Peskov បានប្រកាសសារនេះ បន្ទាប់ពីកិច្ចពិភាក្សារវាងគណៈប្រតិភូជាន់ខ្ពស់រុស្ស៊ី និងសហរដ្ឋអាមេរិក ដែលបានប្រព្រឹត្តទៅនៅក្នុងរដ្ឋធានី Riyadh ប្រទេសអារ៉ាប៊ីសាអូឌីត កាលពីថ្ងៃទី១៨ ខែកុម្ភៈ។
    |
 |
|
ប្រធានាធិបតីរុស្ស៊ី លោក Vladimir Putin និងប្រធានាធិបតីអាមេរិក លោក Donald Trump (រូបថត៖ vnanet.vn) |
ទាក់ទងនឹងជំនួបកំពូលរវាងប្រធានាធិបតីអាមេរិក លោក Donald Trump និងប្រធានាធិបតីរុស្ស៊ី លោក Vladimir Putin ទីភ្នាក់ងារសារព័ត៌មាន TASS របស់រុស្ស៊ីបានដកស្រង់សម្តីរបស់លោក Peskov ថា មន្ត្រីទាំងពីររូបត្រូវរៀបចំសម្រាប់ព្រឹត្តិការណ៍នេះ ហើយមិនទាន់ផ្តល់ពេលវេលាជាក់លាក់សម្រាប់ការរៀបចំនេះនៅឡើយទេ។ ទោះជាយ៉ាងណាក៏ដោយ អ្នកនាំពាក្យរូបនេះបានកត់សម្គាល់ថា កិច្ចប្រជុំនឹងប្រព្រឹត្តទៅក្នុងពេលឆាប់បំផុត ដោយផ្អែកលើការឯកភាពគ្នារវាងភាគីទាំងពីរ ហើយភាគីអាមេរិកក៏បានយល់ព្រមចាប់ផ្តើមការរៀបចំជាក់លាក់ភ្លាមមួយរំពិច។
លោក Dmitry Peskov បានបន្ថែមថា រដ្ឋមន្ត្រីការបរទេសរុស្ស៊ី លោក Sergey Lavrov ក៏បានណែនាំដល់បុគ្គលិកការទូតរឱ្យបង្កើតក្រុមចរចាកម្រិតអ្នកជំនាញឱ្យបានឆាប់រហ័ស ដើម្បីផ្តួចផ្តើមដំណើរការពិភាក្សាលើបញ្ហាពាក់ព័ន្ធទាំងអស់៕
តាម vovworld.vn