ប្រទេសចំនួន ១៥ ត្រូវបានតែងតាំងជាសមាជិកក្រុមប្រឹក្សាសិទ្ធិមនុស្សរបស់​អង្គការ​សហប្រជាជាតិសម្រាប់អាណត្តិ ២០២១-២០២៣

ទិដ្ឋភាពនៃកិច្ចប្រជុំនៅអង្គការសហប្រជាជាតិ (រូបថត៖ vnanet.vn)

សម្រាប់ទ្វីបអាហ្រ្វិក សេណេហ្គាល់ បានជាប់ឆ្នោតជាថ្មីម្ដងទៀត ខណៈដែលមានប្រទេសចំនួន ៣ រួមមាន  Côte d’Ivoire, Malawi និង Gabon ក៏ដណ្ដើមបានអាសនៈនៅក្នុងក្រុមប្រឹក្សានេះ។ សម្រាប់តំបន់អាស៊ីប៉ាស៊ីហ្វិកវិញ ប្រទេសចំនួនពីរ គឺប៉ាគីស្ថាន និងនេប៉ាល់ត្រូវបានជាប់ឆ្នោតជាថ្មីម្ដងទៀត។ ខណៈពេលដែល Uzbekistan និងចិនបានក្លាយទៅជាសមាជិកថ្មីនៃក្រុមប្រឹក្សាសិទ្ធិមនុស្ស។ សម្រាប់អឺរ៉ុបវិញ បារាំងនិងចក្រភពអង់គ្លេសត្រូវបាន ជ្រើសតាំងជាតំណាងតំបន់អឺរ៉ុបខាងលិចនិងប្រទេសដទៃទៀត។ សម្រាប់អាសនៈពីររបស់ក្រុមអឺរ៉ុបខាងកើត គឺអ៊ុយក្រែនត្រូវបានជាប់ឆ្នោតឡើងវិញ ហើយរុស្ស៊ីត្រូវជាប់បានឆ្នោតជាសមាជិកថ្មី។ សម្រាប់ក្រុមប្រទេសនៅអាមេរិកឡាទីន និងការ៉ាបៀន គឺម៉ិកស៊ិកត្រូវបានជាប់ឆ្នោតជាថ្មីម្ដងទៀត ខណៈប្រទេសបូលីវី និងគុយបាត្រូវបានជ្រើសតាំងជាសមាជិកថ្មីនៃក្រុមប្រឹក្សាសិទ្ធិមនុស្សផងដែរ៕

តាម vovworld