លិច​សាឡាងដឹកមនុស្សជាង ៣៥០ នាក់នៅហ្វីលីពីន បណ្តាល​ឲ្យ​មនុស្ស​យ៉ាងហោចណាស់ ៨ នាក់​ស្លាប់

សាឡាង Trisha Kerstin 3 ដែលថតក្នុងខែកក្កដា ឆ្នាំ២០២១ (រូបថត៖ Marine Traffic)

សាឡាង M/V Trisha Kerstin ៣ ដែលធ្វើដំណើរពីទីក្រុង Zamboanga ទៅកាន់កោះ Jolo (ខេត្ត Sulu) បានជួបប្រទះបញ្ហាបច្ចេកទេស ហើយបានលិចនៅជិតខេត្ត Basilan។ ប្រភពព័ត៌មានមួយចំនួនបានឲ្យដឹងថា សាឡាងនេះដឹកអ្នកដំណើរ ៣៣២ នាក់ និងក្រុមនាវិក ២៧ នាក់។ អភិបាលក្រុង Arsina លោក Laja Kahing-Nanoh បានឲ្យដឹងថា រហូតមកដល់ពេលនេះ មានមនុស្សយ៉ាងហោចណាស់ ៨ នាក់បានស្លាប់ ។ កម្លាំងជួយសង្គ្រោះបានរាយការណ៍ថា បានជួយសង្គ្រោះមនុស្សជាង ២០០ នាក់។ អភិបាលខេត្ត Basilan លោក Mujiv Hataman បានបញ្ជាក់ថា ជនរងគ្រោះ និងអ្នករស់រានមានជីវិតកំពុងត្រូវបានទទួលនៅកំពង់ផែនានាក្នុងតំបន់។ ប្រតិបត្តិការស្វែងរក និងជួយសង្គ្រោះកំពុងត្រូវបានធ្វើឡើងដោយឆ្មាំសមុទ្រ និងកងទ័ពជើងទឹកហ្វីលីពីន ដោយសម្របសម្រួលជាមួយនាវាស៊ីវិល ក្រោមលក្ខខណ្ឌអាកាសធាតុអំណោយផល៕

តាម vovworld.vn