តំណាងដាណឺម៉ាកនិងសហរដ្ឋអាមេរិក ពិភាក្សាអំពីបញ្ហា ហ្គ្រីនឡែន នៅសេតវិមាន
នាថ្ងៃទី ១៤ ខែមករា តំណាងជាន់ខ្ពស់របស់ដាណឺម៉ាក បានជួបដោយផ្ទាល់ជាមួយរដ្ឋបាលរបស់ប្រធានាធិបតីអាមេរិក ដូណាល់ ត្រាំ នៅសេតវិមាន ដើម្បីពិភាក្សាអំពីបញ្ហា ហ្គ្រីនឡែន។
យោងតាមព័ត៌មានពីក្រសួងការបរទេសដាណឺម៉ាក ជំនួបនៅសេតវិមាន មានការចូលរួមពីលោក Lars Løkke Rasmussen រដ្ឋមន្ត្រីការបរទេសដាណឺម៉ាក តំណាងហ្គ្រីនឡែន លោកស្រី Vivian Motzfeldt អនុប្រធានាធិបតីអាមេរិក លោក JD Vance និងលោក Marco Rubio រដ្ឋមន្ត្រីការបរទេសអាមេរិក។
    |
 |
|
លោក Lars Loekke Rasmussen រដ្ឋមន្ត្រីការបរទេសដាណឺម៉ាក (រូបថត៖ Sebastian Elias Uth/ Ritzau Scanpix/ តាមរយៈ REUTERS) |
ជំនួបនេះត្រូវបានធ្វើឡើង ខណៈដែលលោក ដូណាល់ ត្រាំ ប្រធានាធិបតី បានបង្ហាញពីចេតនារបស់ខ្លួនក្នុងការបញ្ចូលកោះហ្គ្រីនឡែន ដែលជាតំបន់មានសារៈសំខាន់ជាយុទ្ធសាស្ត្រ។
គោលដៅរបស់ប្រទេសដាណឺម៉ាកនៅក្នុងជំនួបនេះ គឺនាំយកការខ្វែងគំនិតគ្នាដែលកើតចេញពីសេចក្តីថ្លែងការណ៍លើបណ្ដាញសង្គម មកកាន់តុចរចា ដើម្បីបញ្ចុះបញ្ចូលសហរដ្ឋអាមេរិកឱ្យគោរពសិទ្ធិសម្រេចចិត្តដោយខ្លួនឯងរបស់កោះហ្គ្រីនឡែន។
មេដឹកនាំអឺរ៉ុបជាច្រើន ដូចជាលោក Emmanuel Macron ប្រធានាធិបតីបារាំង បានសម្តែងការគាំទ្រចំពោះជំហររបស់ប្រទេសដាណឺម៉ាក និងកោះហ្គ្រីនឡែន ដោយបញ្ជាក់ថា មានតែប្រជាជននៃកោះហ្គ្រីនឡែនទេ ដែលមានសិទ្ធិសម្រេចចិត្តលើអនាគតរបស់ខ្លួន៕
តាម vovworld.vn