ការចរចារវាងអាមេរិក និងអ៊ីរ៉ង់អាចនឹងបន្តនាប៉ុន្មានថ្ងៃខាងមុខ
កាលពីថ្ងៃទី១៤ ខែមេសា ប្រធានាធិបតីអាមេរិក លោក ដូណាល់ ត្រាំ បានឱ្យដឹងថា ការចរចាសំដៅបញ្ឈប់ជម្លោះជាមួយអ៊ីរ៉ង់អាចនឹងបានបន្តនៅទីក្រុងអ៊ីស្លាម៉ាបាដ តែប៉ុន្មានថ្ងៃបន្ទាប់ពីការចរចាកាលពីចុងសប្តាហ៍មុន មិនសម្រេចបានលទ្ធផលណាមួយឡើយ។
នៅក្នុងបទសម្ភាសន៍ជាមួយសារព័ត៌មាន ប្រធានាធិបតីអាមេរិកបានបញ្ជាក់ថា “ប្រការមួយអាចនឹងកើតឡើងក្នុងរយៈពេលពីរថ្ងៃខាងមុខ” ដោយបង្ហើបថា សហរដ្ឋអាមេរិកកំពុងងាកទៅរកការវិលត្រឡប់ទៅកាន់តុចរចាវិញ។ ប្រភពព័ត៌មានពីតំបន់ឈូងសមុទ្រ ប្រទេសប៉ាគីស្ថាន និងអ៊ីរ៉ង់ក៏បានចង្អុលបង្ហាញថា ក្រុមចរចាអាចវិលត្រឡប់ទៅកាន់ប្រទេសប៉ាគីស្ថានវិញនៅចុងសប្តាហ៍នេះ ទោះបីជាអ៊ីរ៉ង់មិនទាន់បានបញ្ជាក់ពីពេលវេលាជាក់លាក់ក៏ដោយ។
    |
 |
|
ប្រធានាធិបតីអាមេរិក លោក ដូណាល់ ត្រាំ (រូបថត៖ Reuters) |
ទោះបីជាមានភាពតានតឹងកាន់តែខ្លាំងឡើងបន្ទាប់ពីអាមេរិកបានបិទច្រកសមុទ្រអ៊ីរ៉ង់ក៏ដោយ សញ្ញាការទូតជាវិជ្ជមានបានរួមចំណែកដល់ស្ថិរភាពទីផ្សារថាមពល។ តម្លៃប្រេងធ្លាក់ចុះក្រោម ១០០ ដុល្លារក្នុងមួយបារ៉ែលនៅក្នុងវគ្គជួញដូរកាលពីថ្ងៃទី១៤ ខែមេសា។
ចាប់តាំងពីជម្លោះបានផ្ទុះឡើងនៅថ្ងៃទី២៨ ខែកុម្ភៈ អ៊ីរ៉ង់បានបិទប្រតិបត្តិការភាគច្រើនដែលឆ្លងកាត់ច្រកសមុទ្រហ័រមូស។ បន្ទាប់ពីការបរាជ័យក្នុងការចរចាជុំទីមួយ សហរដ្ឋអាមេរិកបានដាក់ពង្រាយកងកម្លាំងដើម្បីរារាំងនាវាដឹកប្រេងមិនឱ្យចូល និងចាកចេញពីកំពង់ផែរបស់អ៊ីរ៉ង់៕
តាម vovworld.vn