សហភាពអឺរ៉ុបបន្តជំរុញសមាជិកភាព​របស់អ៊ុយក្រែន

នៅលើបណ្តាញសង្គម បន្ទាប់ពីកិច្ចសន្ទនាតាមទូរស័ព្ទក្នុងក្របខ័ណ្ឌនៃ "ទម្រង់ប៊ែរឡាំង" នៅថ្ងៃទី ៣០ ខែធ្នូ (រួមទាំងថ្នាក់ដឹកនាំប្រទេសអាល្លឺម៉ង់ បារាំង ប៉ូឡូញ និងប្រទេសដទៃទៀត លោកស្រី Von der Leyen បានបញ្ជាក់ថា ការចូលជាសមាជិកសហភាពអឺរ៉ុបដែលអ៊ុយក្រែនកំពុងរង់ចាំ គឺជា "ការធានាសន្តិសុខដ៏សំខាន់"។

ប្រធានគណៈកម្មការអឺរ៉ុប លោកស្រី Ursula von der Leyen (រូបថត៖ REUTERS)

ប្រធាន EC បានចែករំលែកថា៖ "ទីបំផុត វិបុលភាពនៃប្រទេសអ៊ុយក្រែនដ៏សេរី គឺស្ថិតក្នុងការចូលរួមសហភាពអឺរ៉ុប។ ការពង្រីកមិនត្រឹមតែផ្តល់អត្ថប្រយោជន៍ដល់សមាជិកថ្មីប៉ុណ្ណោះទេ; ដូចនឹងរលកនៃការពង្រីកកាលពីមុនបានបង្ហាញ វានាំមកនូវអត្ថប្រយោជន៍ដល់អឺរ៉ុបទាំងមូលផងដែរ"។

សេចក្តីប្រកាសខាងលើត្រូវបានធ្វើឡើងដោយលោកស្រី von der Leyen បន្ទាប់ពីសកម្មភាពការទូតដ៏ខ្លាំងក្លាពេញមួយសប្តាហ៍រវាងមន្ត្រីអាមេរិក អ៊ុយក្រែន និងអឺរ៉ុប។ បន្ទាប់ពីកិច្ចពិភាក្សាទ្វេភាគីជាមួយសមភាគីអាមេរិក ប្រធានាធិបតីអ៊ុយក្រែន លោក Volodimir Zelensky បានប្រកាសថា ការសន្យា ធានាសន្តិសុខរវាងភាគីទាំងបី «ស្ទើរតែឈានដល់ការឯកភាពមួយ»។

ការចូលរួមសហភាពអឺរ៉ុបត្រូវបានចាត់ទុកជាតំណភ្ជាប់ដ៏សំខាន់មួយ ហើយតម្រូវឱ្យមានការយល់ព្រមជាឯកច្ឆន្ទពីមេដឹកនាំប្រទេសសមាជិកទាំង ២៧ នៃសហភាពអឺរ៉ុប៕

តាម vovworld.vn