ក្រុមប្រឹក្សាសន្តិសុខ អង្គការសហប្រជាជាតិអនុម័តលើ​សេចក្តីសម្រេចចិត្ត​បង្កើតកម្លាំងអន្តរជាតិនៅហ្គាហ្សា

សេចក្តីសម្រេចចិត្តដែលគាំពារដោយសហរដ្ឋអាមេរិកត្រូវបានអនុម័តដោយមានសំឡេងគាំទ្រចំនួន ១៣ គ្មានសំឡេងប្រឆាំងណាមួយឡើយ។ សមាជិកអចិន្ត្រៃយ៍ចំនួន ២ គឺរុស្ស៊ី និងចិន បានបោះឆ្នោតអនុប្បវាទ។

បណ្តាឯកអគ្គរដ្ឋទូត បោះឆ្នោតគាំទ្រសេចក្តីសម្រេចចិត្ត ស្តីពីការបង្កើតកម្លាំងស្ថិរភាពអន្តរជាតិនៅតំបន់ហ្គាហ្សា នាថ្ងៃទី១៧ ខែវិច្ឆិកា ឆ្នាំ២០២៥ (រូបថត៖ REUTERS/Eduardo Munoz)

សេចក្តីសម្រេចចិត្តរបស់ក្រុមប្រឹក្សាសន្តិសុខបានអនុញ្ញាតឱ្យបង្កើតកងកម្លាំងស្ថិរភាពអន្តរជាតិ (ISF) ដើម្បីសម្របសម្រួលជាមួយអេហ្ស៊ីប អ៊ីស្រាអែល និងកម្លាំងប៉ូលីសថ្មីរបស់ប៉ាឡេស្ទីន ដើម្បីការពារតំបន់ព្រំដែន និងធ្វើឱ្យតំបន់ហ្គាហ្សាក្លាយជាតំបន់គ្មានយោធា។ ISF ក៏ទទួលភារកិច្ច "ដកហូតអាវុធជាអចិន្ត្រៃយ៍នូវក្រុមប្រដាប់អាវុធក្រៅរដ្ឋ" ការពារជនស៊ីវិល និងធានាសន្តិសុខសម្រាប់ច្រករបៀងជំនួយមនុស្សធម៌។ លើសពីនេះ ស្ថាប័នគ្រប់គ្រងអន្តរកាលមួយដែលបានហៅថា "ក្រុមប្រឹក្សាសន្តិភាព" ក៏នឹងត្រូវបានបង្កើតឡើង ដោយប្រធានាធិបតីអាមេរិកលោក ដូណាល់ ត្រាំ ជាប្រធាន និងមានអាណត្តិរហូតដល់ចុងឆ្នាំ ២០២៧។ សេចក្តីសម្រេចចិត្តនេះក៏បានលើកឡើងពីលទ្ធភាពនៃការបង្កើតរដ្ឋប៉ាឡេស្ទីន នាពេលអនាគតផងដែរ។

នៅថ្ងៃដដែលនោះ ចលនាអ៊ីស្លាមហាម៉ាសរបស់ប៉ាឡេស្ទីន បានបដិសេធសេចក្តីសម្រេចចិត្តរបស់ក្រុមប្រឹក្សាសន្តិសុខដែលបានរៀបរាប់ខាងលើ ដោយចាត់ទុកថា ឯកសារនេះមិនបំពេញតាមសិទ្ធិ និងការទាមទាររបស់ប្រជាជនប៉ាឡេស្ទីននោះទេ ក៏ដូចជាបានស្វែងរកការប្រគល់ការងារអន្តរជាតិលើតំបន់ដីឯកោនេះ៕

តាម vovworld.vn