ជម្លោះហាម៉ាស - អ៊ីស្រាអែល៖ លោកខាងលិចអំពាវនាវឱ្យបើកច្រករបៀងវេជ្ជសាស្រ្តឡើងវិញរវាងតំបន់ហ្គាហ្សា និងតំបន់ត្រើយខាងលិច

សេចក្តីប្រកាសរួមដែលចេញដោយកាណាដាបាននិយាយថា "យើងអំពាវ នាវឱ្យអ៊ីស្រាអែលស្ដារច្រករបៀងវេជ្ជសាស្រ្តទៅកាន់តំបន់ ត្រើយខាងលិច ដែលរងការទន្រ្ទានកាន់កាប់ រួមទាំងក្រុងហ្សេរុយសាឡឹមខាងកើត ដើម្បីឱ្យការជម្លៀសផ្នែកវេជ្ជសាស្រ្តចេញពីតំបន់ហ្គាហ្សាអាចបន្ត ហើយអ្នកជំងឺអាចទទួលបានការព្យាបាលដែលពួកគេត្រូវការយ៉ាងខ្លាំង"។ សេចក្តីប្រកាសក៏បានអំពាវនាវឱ្យអ៊ីស្រាអែលដកការរឹតបន្តឹងលើការផ្គត់ផ្គង់ថ្នាំ និងឧបករណ៍វេជ្ជសាស្ត្រដល់តំបន់ហ្គាហ្សា។ ប្រទេសអូទ្រីស បែលហ្ស៊ិក កាណាដា បារាំង អាល្លឺម៉ង់ អ៊ីតាលី សហភាពអឺរ៉ុប (EU) និងប៉ូឡូញ ស្ថិតក្នុងចំណោមប្រទេសចំនួន ២០ ដែលបានចុះហត្ថលេខាលើសេចក្តីប្រកាសនេះ។ សហរដ្ឋ អាមេរិកមិនស្ថិតក្នុងចំណោមនេះទេ។

ផ្សែងហុយឡើងពីការវាយប្រហារតាមផ្លូវអាកាសរបស់អ៊ីស្រាអែល កាលពីថ្ងៃទី ២២ ខែកញ្ញា ឆ្នាំ ២០២៥

នៅក្នុងបម្រែបម្រួលមួយផ្សេងទៀត នាយករដ្ឋមន្ត្រីអេហ្ស៊ីបបាននិយាយថា សន្និសីទស្តីពីការកសាងតំបន់ហ្គាហ្សាឡើងវិញនឹងត្រូវធ្វើឡើងនៅពេលដែលកិច្ចព្រមព្រៀងឈប់បាញ់ត្រូវបានសម្រេច។ ថ្លែងនៅក្នុងសន្និសីទដែលកំពុងបន្តស្តីពីដំណោះស្រាយរដ្ឋពីរនៅអង្គការសហប្រជាជាតិ នាយករដ្ឋមន្ត្រីអេហ្ស៊ីប Mostafa Madbouly បានបញ្ជាក់ថា នៅពេលឈានដល់បទឈប់បាញ់ អេហ្ស៊ីបនឹងធ្វើជាម្ចាស់ផ្ទះសន្និសីទអន្តរជាតិស្តីពីការកសាងឡើងវិញនូវតំបន់ហ្គាហ្សាស្ទ្រីប ដើម្បីប្រមូលធនធានហិរញ្ញវត្ថុចាំបាច់សម្រាប់ផែនការកសាងឡើងវិញអារ៉ាប់-អ៊ីស្លាម៕

តាម vovworld.vn