បញ្ញាសិប្បនិមិត្ត - ចំណុចលេចធ្លោនៃពិព័រណ៍ចិន-អាស៊ានឆ្នាំ ២០២៥

លោកស្រី Lu Xinning អនុប្រធានតំបន់ស្វយ័ត Guangxi Zhuang (រូបថត៖ Reuters)

ថ្លែងនៅក្នុងសន្និសីទសារព័ត៌មានដែលធ្វើឡើងនាថ្ងៃទី ៨ ខែកញ្ញា នៅទីក្រុងប៉េកាំង លោកស្រី Lu Xinning អនុប្រធានតំបន់ស្វយ័ត Guangxi Zhuang បានចែករំលែកថា ពិព័រណ៍ឆ្នាំនេះផ្តោតលើវិស័យសំខាន់ៗចំនួនពីរគឺ៖ កិច្ចសហប្រតិបត្តិការសេដ្ឋកិច្ច-ពាណិជ្ជកម្ម និងការបង្ហាញ AI ដែលក្នុងនោះ AI គឺជាចំណុចលេចធ្លោជាមួយនឹងការបង្កើតស្តង់ AI និងស្តង់កម្លាំងផលិតកម្មដែលមានគុណភាពថ្មី។ វេទិកាថ្នាក់រដ្ឋមន្ត្រីចិន-អាស៊ានលើកទីមួយស្តីពី AI ក៏នឹងប្រព្រឹត្តទៅផងដែរ ដើម្បីផ្លាស់ប្តូរលើការអភិវឌ្ឍបញ្ញាសិប្បនិម្មិត៖ “ពិព័រណ៍និងកិច្ចប្រជុំកំពូលចិន-អាស៊ានលើកទី ២២ ធ្វើឡើងស្របពេលជាមួយនឹងការបង្ហើយការចរចាលើកិច្ចព្រមព្រៀងពាណិជ្ជកម្មសេរីចិន-អាស៊ានកំណែ ៣.០ និងការចុះហត្ថលេខាលើពិធីសារ។ ដូចដែលយើងដឹងហើយថា កំណែ ៣.០ រួមមានវិស័យសំខាន់ៗ ចំនួន ៩ ដែលទីមួយគឺសេដ្ឋកិច្ចឌីជីថល។ ប្រការនេះក៏បង្ហាញផងដែរថា សេដ្ឋកិច្ចឌីជីថល ដែលតំណាងដោយបញ្ញាសិប្បនិមិត្ម បានក្លាយជាកម្លាំងចលករថ្មីសម្រាប់កិច្ចសហប្រតិបត្តិការចិន-អាស៊ាន។ ដូច្នេះ CAEXPO ឆ្នាំនេះរំលេចប្រធានបទ AI ដើម្បីអនុវត្តតាមតម្រូវការរបស់ប្រទេស បម្រើការអនុវត្តកំណែ ៣.០ និងចូលរួមជាមួយបណ្តាប្រទេសអាស៊ាន ដើម្បីឆ្លើយតបទៅនឹងបញ្ហាប្រឈម និងឱកាសនៃយុគសម័យ AI។

យោងតាមលោកស្រី Lu Xinning រហូតមកដល់ពេលនេះ ខេត្តក្វាងស៊ីបានចុះហត្ថលេខាលើអនុស្សរណៈនៃការយោយល់គ្នាស្ដីពីកិច្ចសហប្រតិបត្តិការ AI ជាមួយប្រទេសអាស៊ានចំនួន ៨ ក្នុងនោះមានវៀតណាមផងដែរ។ ដោយត្រូវបានកំណត់ថាជាទីតាំងសម្រាប់មជ្ឈមណ្ឌលនវានុវត្តន៍ AI ចិន-អាស៊ាន ឥឡូវនេះក្វាងស៊ីបានគ្រោងទុកផ្ទៃដីជិត ៨ គីឡូម៉ែត្រការ៉េ នៅទីក្រុងណាននីង ដើម្បីទាក់ទាញសហគ្រាស AI ពីប្រទេសវៀតណាម និងអាស៊ាន៕

តាម vovworld.vn