លោក Donald Trump ប្រធានាធិបតីសហរដ្ឋអាមេរិកប្រកាសថា ជម្លោះនៅហ្គាហ្សាបានបញ្ចប់ហើយ

លោកប្រធានាធិបតី Donald Trump បានធ្វើសេចក្តីប្រកាសខាងលើ នៅពេលត្រូវបានសួរថា តើលោកមានទំនុកចិត្តថាជម្លោះរវាងអ៊ីស្រាអែល និងចលនាអ៊ីស្លាមហាម៉ាស់បានបញ្ចប់ដែរឬអត់។ លោកប្រធានាធិបតី Donald Trump ក៏បាននិយាយផងដែរថា កិច្ចព្រមព្រៀងឈប់បាញ់គ្នារវាងអ៊ីស្រាអែល និងក្រុមហាម៉ាស់ នឹងត្រូវបានរក្សាពីព្រោះជម្លោះបានអូសបន្លាយយូរពេក ហើយភាគីទាំងអស់សុទ្ធតែហត់នឿយខ្លាំងហើយ។

កុមារទទួលបានអាហារសង្គ្រោះនៅ Jabalia តំបន់ហ្គាហ្សា (រូបថត៖ vnanet.vn)

នៅអ៊ីស្រាអែល លោកប្រធានាធិបតី Donald Trump នឹងជួបជាមួយក្រុមគ្រួសារ ចំណាប់ខ្មាំងដែលក្រុមហាម៉ាស់បានចាប់ខ្លួន ក្នុងការវាយប្រហារលើអ៊ីស្រាអែលនៅខែតុលា ឆ្នាំ២០២៣។ លោកនឹងថ្លែងសុន្ទរកថាទៅកាន់សភាអ៊ីស្រាអែល។ បន្ទាប់ពី អ៊ីស្រាអែល លោក Donald Trump ប្រធានាធិបតីអាមេរិក នឹងធ្វើដំណើរទៅកាន់ប្រទេសអេហ្ស៊ីប និងរួមជាមួយលោក Abdel Fattah al-Sisi ប្រធានាធិបតីអេហ្ស៊ីប ធ្វើជាសហប្រធានកិច្ចប្រជុំកំពូលជាមួយមេដឹកនាំប្រទេសចំនួន ២០ ដើម្បីជំរុញផែនការបញ្ចប់ជម្លោះនៅតំបន់ហ្គាហ្សា និងនាំមកនូវសន្តិភាពដល់មជ្ឈិមបូព៌ា៕

តាម vovworld.vn