ចលនាហាម៉ាស់ប្រឈមមុខនឹងហានិភ័យនៃការមិនប្រគល់ចំណាប់ខ្មាំងឱ្យបានគ្រប់គ្រាន់ដូចការសន្យា​

រថយន្តយោធាអ៊ីស្រាអែលដាក់ពង្រាយនៅជិតព្រំដែនជាមួយតំបន់ហ្គាហ្សា (រូបថត៖ vnanet.vn)

ដូច្នេះហើយ គិតត្រឹមយប់ថ្ងៃទី១៥ ខែតុលា ក្រុមហាម៉ាស់បានប្រគល់សាកសពចំនួន ៩ ក្នុងចំណោមចំណាប់ខ្មាំងដែលស្លាប់សរុប ២៨ នាក់ ទៅកាន់ប្រទេសអ៊ីស្រាអែល។ មជ្ឈដ្ឋានអ្នកវិភាគមានការព្រួយបារម្ភថា ការពន្យារពេលរបស់ក្រុមហាម៉ាសក្នុងការប្រគល់សាកសពចំណាប់ខ្មាំងទៅឲ្យអ៊ីស្រាអែលវិញ អាចនាំឱ្យមានផលវិបាកដ៏ស្មុគស្មាញ ជាពិសេសគឺហានិភ័យធ្វើឱ្យជម្លោះផ្ទុះឡើងម្តងទៀត។ ការព្រួយបារម្ភនេះកាន់តែមានមូលដ្ឋាន នៅពេលដែលការិយាល័យរដ្ឋមន្ត្រីការពារជាតិអ៊ីស្រាអែលកាលពីថ្ងៃទី ១៥ ខែតុលា បានឲ្យដឹងថា រដ្ឋមន្ត្រីការពារជាតិអ៊ីស្រាអែល លោក Katz បានណែនាំកងទ័ពរបស់ប្រទេសនេះ ឱ្យរៀបចំផែនការដ៏ទូលំទូលាយមួយដើម្បីកម្ទេចក្រុមហាម៉ាសនៅតំបន់ហ្គាហ្សាក្នុងករណីដែលសង្រ្គាមផ្ទុះឡើងម្តងទៀត។

មុននោះ ថ្នាក់ដឹកនាំរដ្ឋាភិបាលនិងកងទ័ពអ៊ីស្រាអែល ក៏បានព្រមានម្តងហើយម្តងទៀតថា នឹងបើកសង្រ្គាមលើតំបន់ហ្គាហ្សាឡើងវិញ ប្រសិនបើក្រុមហាម៉ាស់មិនអនុវត្តតាមការសន្យានិងកាតព្វកិច្ចរបស់ខ្លួនក្នុងកិច្ចព្រមព្រៀងឈប់បាញ់ដំណាក់កាលទី ១ រួមទាំងការប្រគល់ចំណាប់ខ្មាំង ៤៨ នាក់ទាំងនៅរស់និងបានស្លាប់ទៅឲ្យអ៊ីស្រាអែលវិញ៕

តាម vovworld.vn