សហគមន៍អន្តរជាតិព្រួយបារម្ភអំពីការវាយប្រហាររបស់អ៊ីស្រាអែលនៅកាតា

នៅក្នុងសេចក្តីប្រកាសមួយ មហាសន្និបាតអង្គការសហប្រជាជាតិបានអះអាងថា ការវាយប្រហាររបស់អ៊ីស្រាអែលគឺជាការរំលោភយ៉ាងធ្ងន់ធ្ងរលើច្បាប់អន្តរជាតិ និងធម្មនុញ្ញអង្គការសហប្រជាជាតិ ក៏ដូចជាគោលការណ៍ទទួលស្គាល់នៃការគោរពអធិបតេយ្យភាព និងការមិនជ្រៀតជ្រែកក្នុងកិច្ចការផ្ទៃក្នុងរបស់ប្រទេសដទៃ។

មហាសន្និបាតអង្គការសហប្រជាជាតិបានសម្តែងការព្រួយបារម្ភចំពោះការវាយប្រហាររបស់អ៊ីស្រាអែលទៅលើការដឹកនាំរបស់ចលនាអ៊ីស្លាមហាម៉ាសនៅក្នុងរដ្ឋធានីដូហារបស់ប្រទេសកាតា (រូបថត៖ vnanet.vn)

មហាសន្និបាតបានអះអាងសារជាថ្មីអំពីតម្រូវការក្នុងការគោរពបូរណភាពទឹកដីរបស់ប្រទេស ធានាសុវត្ថិភាព និងសន្តិសុខរបស់អ្នកចរចាគ្រប់ពេលវេលា ហើយបានជំរុញអ៊ីស្រាអែលឱ្យបញ្ឈប់ជាបន្ទាន់នូវអរិភាព និងទទួល យកការទទួលខុសត្រូវពេញលេញចំពោះផលវិបាកធ្ងន់ធ្ងរនៃការកើនឡើងនេះ។ មហាសន្និបាតអង្គការសហប្រជាជាតិក៏បានអំពាវនាវឱ្យសហគមន៍អន្តរជាតិចាត់វិធានការជាបន្ទាន់ដើម្បីការពារជនស៊ីវិល។

នាថ្ងៃដដែល សេតវិមានបានអះអាងថា លោក Donald Trump ប្រធានាធិបតីអាមេរិក មិនគាំទ្រការវាយប្រហារតាមអាកាសរបស់អ៊ីស្រាអែលទៅ លើក្រុម Hamas ក្នុងប្រទេសកាតាឡើយ។

អេមីរ៉ាត់អារ៉ាប់រួម (UAE) ក៏បានសម្តែងការព្រួយបារម្ភចំពោះការវាយប្រហាររបស់អ៊ីស្រាអែល ដោយហៅថាជាការគំរាមកំហែងដល់សន្តិសុខនិងស្ថិរភាពក្នុងតំបន់ ហើយបានអំពាវនាវឱ្យក្រុមប្រឹក្សាសន្តិសុខអង្គការសហប្រជាជាតិចាត់វិធានការចាំបាច់ដើម្បីការពារ និងរារាំងអ៊ីស្រាអែល។

ប្រទេសជាច្រើនផ្សេងទៀត និងអង្គការអន្តរជាតិក៏បាននិយាយប្រឆាំងនឹងការវាយប្រហាររបស់អ៊ីស្រាអែលនៅទីក្រុងដូហា ប្រទេសកាតាផងដែរ៕

តាម vovworld.vn