គណៈប្រតិភូហាម៉ាសមក​ដល់ទីក្រុងគែរ ដើម្បីស្តារ​ឡើង​វិញ​​ការចរចា

គណៈប្រតិភូចរចាដឹកនាំដោយលោក Khalil Al-Hayya មេដឹកនាំជាន់ខ្ពស់ក្រុមហាម៉ាស់ ត្រូវបានរំពឹងថានឹងពិភាក្សាជាមួយមន្ត្រីអេហ្ស៊ីបអំពីការវិវត្តន៍ថ្មីបំផុត ទាក់ទងនឹងស្ថានភាពនៅតំបន់ហ្គាហ្សា ក៏ដូចជាការចរចាជុំវិញកិច្ចព្រមព្រៀងឈប់បាញ់។ ប្រភពព័ត៌មានមួយចំនួនក្នុងតំបន់បានឲ្យដឹងថា សំណើនាពេលថ្មីៗនេះរបស់បេសកជនពិសេសអាមេរិកស្តីពីការពន្យាពេលបទឈប់បាញ់នៅតំបន់ហ្គាហ្សារយៈពេល ៦-៧ សប្តាហ៍ទៀតនឹងក្លាយជារបៀបវារៈសំខាន់សម្រាប់កិច្ចពិភាក្សានៅទីក្រុងគែររវាងក្រុមហាម៉ាស់ និងមន្ត្រីអេហ្ស៊ីប។

អគារជាច្រើនរងការបំផ្លាញដោយជម្លោះនៅតំបន់ហ្គាហ្សា (រូបថត៖ vnanet.vn)

មុននឹងប្រកាសពីការបញ្ចូនគណៈប្រតិភូចរចាទៅកាន់ទីក្រុងគែរ ក្រុមហាម៉ាសក៏បានប្រកាសពីការត្រៀមខ្លួនជាស្រេច ឆ្ពោះទៅរកកិច្ចព្រមព្រៀងទូលំទូលាយមួយលើដំណាក់កាលទី ២ នៃកិច្ចព្រមព្រៀងឈប់បាញ់។ ក្រុមហាម៉ាស់បានបញ្ជាក់ថា ថ្នាក់ដឹកនាំរបស់ក្រុមនោះ បានទទួលសំណើពីអ្នកសម្របសម្រួលអន្តរជាតិ ដើម្បីបន្តការចរចាឡើងវិញ ហើយបានបញ្ជាក់ថា ខ្លួនកំពុងខិតទៅរកបញ្ហានេះក្នុងលក្ខណៈវិជ្ជមាននិងការទទួលខុសត្រូវ។ ជាពិសេស ក្រុមហាម៉ាស់បានសន្យាថា នឹងដោះលែងចំណាប់ខ្មាំងដែលមានសញ្ជាតិពីគឺ អាមេរិក-អ៊ីស្រាអែល និងប្រគល់សាកសពរបស់ចំណាប់ខ្មាំងសញ្ជាតិពីរផ្សេងៗទៀត៕

តាម vovworld.vn