អតីតនាយករដ្ឋមន្ត្រីកម្ពុជា សម្តេចតេជោ ហ៊ុន សែន ប្រកាសលាលែង​ក្នុង​រដ្ឋសភា

អតីតនាយករដ្ឋមន្ត្រីកម្ពុជា សម្តេចតេជោ ហ៊ុន សែន អញ្ជើញថ្លែងមតិនៅរដ្ឋសភាកម្ពុជា។ រូបថត៖ VOV

ក្នុងបញ្ជីឈ្មោះអ្នកចូលរួមក្នុងពិធីបើកសម័យប្រជុំលើកទី២ នៃរដ្ឋសភាកម្ពុជានីតិកាលទី ៧ សម្តេចតេជោ ហ៊ុន សែន បានសរសេរយ៉ាងដូច្នេះថា៖ «លាហើយរដ្ឋសភា ដែលខ្ញុំអង្គុយ និងធ្វើការជាងពាក់កណ្តាលជីវិតដំណាក់កាលទី១ ខែមិថុនា ១៩៨១ ដល់ខែឧសភា ឆ្នាំ១៩៩៣ ហើយនិងចាប់ពីថ្ងៃ ១៤ មិថុនា ឆ្នាំ១៩៩៣ ដល់ថ្ងៃទី២មេសា ឆ្នាំ២០២៤»។

បើតាមអ្នកជំនាញ ការលាលែងពីរដ្ឋសភារបស់ប្រធានគណបក្សប្រជាជនកម្ពុជា សម្តេចតេជោ ហ៊ុន សែន គឺដើម្បីត្រៀមខ្លួនកាន់តំណែងជាប្រធានព្រឹទ្ធសភាកម្ពុជានាពេលខាងមុខ។ មុននោះ គណបក្សប្រជាជនកម្ពុជាក៏បានបញ្ជាក់ដែរថា នឹងតែងតាំងលោក ហ៊ុន សែន កាន់តំណែងជាប្រធានព្រឹទ្ធសភានៅក្នុងកិច្ចប្រជុំនៅថ្ងៃទី ៣ ខែមេសា។ ប្រសិនបើកាន់តំណែងនេះ លោកនឹងធ្វើជាប្រមុខរដ្ឋនៅពេលព្រះមហាក្សត្រកម្ពុជាធ្វើដំណើរទៅបរទេស។

លោក ហ៊ុន សែន បានចាកចេញពីមុខតំណែងនាយករដ្ឋមន្ត្រីនៅខែសីហា ឆ្នាំ២០២៣ បន្ទាប់ពីកាន់អំណាចរយៈពេល ៣៨ឆ្នាំ ហើយកូនប្រុសរបស់លោកគឺ លោក ហ៊ុន ម៉ាណែត បានឡើងស្នងតំណែងពីលោក។ លោក ហ៊ុន សែន នៅតែជាប្រធានគណបក្សប្រជាជនកម្ពុជាដែលបានគ្រប់គ្រងអាសនៈចំនួន ១២០/២៥ ក្នុងរដ្ឋសភា បន្ទាប់ពីការបោះឆ្នោតសកលកាលពីខែកក្កដា៕

តាម vovworld.vn