អង្គការសហប្រជាជាតិ អំពាវនាវឱ្យមានសកម្មភាពជាសកល ដើម្បីទប់ស្កាត់វិបត្តិកាកសំណល់

ក្នុងសារជាវីដេអូមួយក្នុងឱកាសទិវាអន្តរជាតិគ្មានកាកសំណល់ (៣០ មីនា) អគ្គលេខាធិការអង្គការសហប្រជាជាតិ បានសង្កត់ធ្ងន់ថា ភពផែនដីរបស់យើងត្រូវបានជាន់ពន្លិចដោយកាកសំណល់។

ប្រឡាយមួយពោរពេញដោយសំរាមក្នុងតំបន់ Seelampur ក្នុងទីក្រុង New Delhi ប្រទេសឥណ្ឌា ថ្ងៃទី ២៦ ខែមេសា ឆ្នាំ ២០២៣ (រូបថត៖ vnanet.vn)

ប្រមុខអង្គការសហប្រជាជាតិបានបង្ហាញផ្ទាំងរូបភាពដ៏អាក្រក់នៃការរិចរិលបរិស្ថានដោយសារតែការប្រើប្រាស់ធនធានធម្មជាតិយ៉ាងសន្ធឹកសន្ធាប់  ដោយបង្កើតកាកសំណល់ជាច្រើនប្រភេទ។ ជាមួយនឹងសំណល់រឹងទីក្រុងជាង ២ ពាន់លានត្រូវបានបញ្ចេញទៅក្នុងបរិស្ថានជារៀងរាល់ឆ្នាំ ផលវិបាកសម្រាប់អាកាសធាតុ ប្រព័ន្ធអេកូឡូស៊ី និងសុខភាពមនុស្សនៅលើផែនដីគឺធ្ងន់ធ្ងរខ្លាំងណាស់។

អគ្គលេខាធិការអង្គការសហប្រជាជាតិបានសង្កត់ធ្ងន់លើសារៈសំខាន់នៃសកម្មភាពរបស់រដ្ឋាភិបាលក្នុងការជំរុញសេដ្ឋកិច្ចវិលជុំដែលផ្តល់អាទិភាពលើការប្រើប្រាស់ឡើងវិញ ការផលិតឡើងវិញ ការស្តារឡើងវិញ និងទប់ស្កាត់កាកសំណល់។ លោក Antonio Guterres ក៏បានអំពាវនាវដល់ពលរដ្ឋជុំវិញពិភពលោកឱ្យប្តេជ្ញាអនុវត្តប្រកបដោយនិរន្តរភាពដើម្បីការពារភពផែនដី៕

តាម vovworld.vn