វៀតណាមទាក់ទាញការវិនិយោគផ្ទាល់ពីបរទេសជាង ៣៨ ពាន់លានដុល្លារអាមេរិក

ក្នុងនោះ ការវិនិយោគផ្ទាល់ពីបរទេសដែលបានអនុវត្តសម្រេចបានជាង ២៧.៦ ពាន់លានដុល្លារអាមេរិក កើនឡើង ៩% បើប្រៀបធៀបទៅនឹងឆ្នាំមុន។ នេះគឺជាចំនួនខ្ពស់បំផុតនៃការវិនិយោគផ្ទាល់ពីបរទេសដែលបានអនុវត្តក្នុងរយៈពេល ៥ ឆ្នាំកន្លងមក។ ទុនវិនិយោគសរុបនៃគម្រោងថ្មីជាង ៤,០០០ ដែលបានចុះបញ្ជីមានចំនួនជាង ១៧.៣ ពាន់លានដុល្លារអាមេរិក កើនឡើងជាង ២០% បើប្រៀបធៀបទៅនឹងឆ្នាំមុន។ វិស័យឧស្សាហកម្មកែច្នៃ និងផលិតកម្ម ទទួលបានគំរោងវិនិយោគផ្ទាល់ពីបរទេសថ្មីច្រើនជាងគេ ដោយមានដើមទុនចុះបញ្ជីជិត ១០ ពាន់លានដុល្លារអាមេរិក។

ការវិនិយោគផ្ទាល់ពីបរទេសដែលបានអនុវត្តក្នុងឆ្នាំ ២០២១-២០២៥ (ពាន់លានដុល្លារអាមេរិក)

ក្នុងចំណោមប្រទេស និងដែនដីចំនួន ៩០ ដែលមានគម្រោងវិនិយោគដែលមានអាជ្ញាប័ណ្ណថ្មីនៅក្នុងប្រទេសវៀតណាមក្នុងឆ្នាំ ២០២៥ សិង្ហបុរីគឺជាអ្នកវិនិយោគធំជាងគេដែលមាន ៤.៨៤ ពាន់លានដុល្លារអាមេរិក។ បន្ទាប់មកគឺប្រទេសចិន ហុងកុង (ចិន) ជប៉ុន ជាដើម។ ក្នុងចំណោមវិស័យដែលវិនិយោគនៅក្នុងប្រទេសវៀតណាម ឧស្សាហកម្មកែច្នៃ និងផលិតកម្មសម្រេចបានជិត ២២.៩ ពាន់លានដុល្លារអាមេរិក ដែលស្មើនឹងជិត ៨៣% នៃការវិនិយោគផ្ទាល់ពីបរទេសសរុប៕

បកប្រែដោយ Thanh Cong