រួមដំណើរជាមួយកសិករឈានចូលទៅក្នុងយុគសម័យថ្មី

នៅព្រឹកថ្ងៃទី ២ ខែវិច្ឆិកា នៅទីក្រុង ហាណូយ គណៈកម្មាធិការមជ្ឈិមនៃសមាគមន៍កសិករវៀតណាមបានសម្របសម្រួលជាមួយក្រសួងកសិកម្ម និងបរិស្ថាន រៀបចំវេទិការប្រធានសមាគមន៍កសិករវៀតណាម - រដ្ឋមន្ត្រីក្រសួងកសិកម្ម និងបរិស្ថាន ស្តាប់មិតយោបល់របស់កសិករឆ្នាំ ២០២៥ ក្រោមប្រធានបទ៖ "រួមដំណើរជាមួយកសិករឈានចូលទៅក្នុងយុគសម័យថ្មី"។ វេទិកានេះត្រូវបានធ្វើឡើងដោយផ្ទាល់ និងតាមប្រព័ន្ធវីដេអូ។

ទិដ្ឋភាពនៃវេទិកា

វេទិកានេះមិនត្រឹមតែជាកន្លែងសម្រាប់ពិភាក្សាអំពីការលំបាក និងដោះស្រាយឧបសគ្គប៉ុណ្ណោះទេ ប៉ុន្តែវាក៏ជាកន្លែងសម្រាប់កសិករ និងអង្គភាពអាជីវកម្មលើកឡើងសំណូមពរ និងផ្តល់ដំណោះស្រាយមានប្រយោជន៍ក្នុងបំណងអនុវត្តស្មារតីច្នៃប្រឌិត ដោយនាំវិស័យកសិកម្ម និងបរិស្ថាន រួមជាមួយកសិករទូទាំងប្រទេស "ឈានចូលទៅក្នុងយុគសម័យនៃការអភិវឌ្ឍថ្មី"។

លោក Luong Quoc Doan ប្រធានសមាគមកសិករវៀតណាម មានប្រសាសន៍នៅក្នុងវេទិកា

នៅក្នុងសុន្ទរកថាបើក លោក Luong Quoc Doan ប្រធានសមាគមកសិករវៀតណាម បានសង្កត់ធ្ងន់ថា៖ បន្ទាប់ពីការអនុវត្តសេចក្តីសម្រេចចិត្ត នៃមហាសន្និបាត លើកទី១៣ និងអស់រយៈពេលជិត ៥ ឆ្នាំ នៃការ​អនុវត្តសេចក្តីសម្រេចលេខ១៩ នោះ វិស័យកសិកម្មបានអភិវឌ្ឍបន្តិចម្តងៗក្នុងទិសដៅអេកូឡូស៊ី បៃតង និងរង្វង់មូល ដោយអនុវត្តបច្ចេកវិទ្យាខ្ពស់ កែលម្អគុណភាព និងប្រសិទ្ធភាព បន្តលើកកម្ពស់តួនាទី «ជាទីបង្អែក» ក្នុងសេដ្ឋកិច្ច ធានាសន្តិសុខស្បៀងជាតិ កសាងជនបទថ្មីសម្រេចបានលទ្ធផលលេចធ្លោជាច្រើន ដែលបានផ្លាស់ប្តូរមុខមាត់ជន និងលើកកម្ពស់ជីវភាពរស់នៅរបស់ប្រជាជន។

លោក Tran Duc Thang រដ្ឋមន្ត្រីក្រសួងកសិកម្ម និងបរិស្ថាន ថ្លែងនៅក្នុងវេទិកា

នៅក្នុងវេទិកានេះ រដ្ឋមន្ត្រីក្រសួងកសិកម្ម និងបរិស្ថានសង្ឃឹមថានឹងស្តាប់មតិរបស់កសិករ កម្មាភិបាលសមាគម អង្គភាពអាជីវកម្ម និងសហករណ៍ អំពីការលំបាក និងឧបសគ្គក្នុងដំណើរការផលិត អភិវឌ្ឍសេដ្ឋកិច្ចកសិកម្ម៕

បកប្រែដោយ Duy Hoan