ក្រោយបុណ្យចូលឆ្នាំថ្មី ធុរកិច្ចជាច្រើននៅខេត្ត Dong Nai និងទីក្រុងហូជីមិញបានវិលត្រឡប់មកផលិតកម្មនិងធ្វើអាជីវកម្មវិញ

ធុរកិច្ចជាច្រើនមានការបញ្ជាទិញធំៗ ហើយកំពុងរៀបចំផែនការជ្រើសរើស និងពង្រីកផលិតកម្មដើម្បីបំពេញតម្រូវការ។ លោក Dang Tuan Tu ប្រធានសហជីពមូលដ្ឋាននៃក្រុមហ៊ុនចំកាត់ Changshin វៀតណាម (ស្រុក Vinh Cuu) បានឲ្យដឹងថា៖ “ក្រុមហ៊ុននឹងបើកខ្សែសង្វាក់ផលិតកម្មដែលបានបិទពីមុនឡើងវិញ ហើយជួលកម្មករបន្ថែមទៀត។ ក្រុមហ៊ុននឹងផ្តោតលើការផលិតនៅនឹងកន្លែង ពោលគឺ មុននេះ មានគ្រឿងខ្លះត្រូវនាំចេញទៅផលិតនៅខាងក្រៅ   ប៉ុន្តែឥឡូវនេះ ការផលិតនឹងត្រូវបានរៀបចំនៅរោងចក្រដោយកាត់បន្ថយការជួលធ្វើនៅខាងក្រៅ”។

ធុរកិច្ចនៅ Dong Nai ត្រលប់មកផលិតកម្មវិញដោយមានសញ្ញាវិជ្ជមានជាច្រើន (រូបថត៖ VOV)

ក្នុងបំណងពង្រីកផលិតកម្មដើម្បីបំពេញការបញ្ជាទិញចាប់ពីដើមឆ្នាំ២០២៥ ក្រុមហ៊ុន និងធុរកិច្ចជាច្រើននៅក្នុងខេត្ត Dong Nai កំពុងជ្រើសរើសបុគ្គលិកដែលមានជំនាញក្នុងឧស្សាហកម្មស្បែកជើង កាត់ដេរ គ្រឿងយន្ត និងអេឡិចត្រូនិច។

នៅទីក្រុងហូជីមិញ កម្មករនិយោជិតជិត ៩០% នៃធុរកិច្ចបានវិលត្រឡប់ទៅធ្វើការវិញក្រោយពិធីបុណ្យចូលឆ្នាំថ្មី ២០២៥។ សហព័ន្ធសហជីពការងារទីក្រុងហូជីមិញបានស្នើឱ្យអង្គភាពពាក់ព័ន្ធត្រួតពិនិត្យយ៉ាងសកម្មនូវសកម្មភាពផលិតកម្មនិងធ្វើអាជីវកម្ម និងអនុលោមតាមច្បាប់ការងារនៅធុរកិច្ច៕

តាម vovworld.vn