វៀតណាម "ទទួលបានអត្ថប្រយោជន៍ជាចម្បង" ពីនិន្នាការនៃការផ្លាស់ប្តូរខ្សែសង្វាក់ផ្គត់ផ្គង់ផលិតកម្ម
កប.អនឡាញ - យោងតាមកាសែត The Business Times កាលពីថ្ងៃទី ២៤ ខែមេសា ធនាគារ DBS របស់សិង្ហបុរី បានចាត់ទុកថា វៀតណាម "ទទួលបានអត្ថប្រយោជន៍ជាចម្បង" ពីនិន្នាការនៃការផ្លាស់ប្តូរខ្សែសង្វាក់ផ្គត់ផ្គង់ផលិតកម្ម។
លោក Chua Han Teng សេដ្ឋវិទូរបស់ DBS សង្កត់ធ្ងន់ថា ការចូលរួមក្នុងកិច្ចព្រមព្រៀងពាណិជ្ជកម្មសេរីជាច្រើន មានកម្លាំងពលកម្មមានជំនាញខ្ពស់ ប្រាក់ឈ្នួលទាប និងប្រព័ន្ធអេកូអេឡិចត្រូនិកកំពុងរីកចម្រើន បានជួយវៀតណាមក្លាយជាគោលដៅទាក់ទាញវិនិយោគិនបរទេស។ លោក Chua Han Teng បានចាត់ទុកថា “ការឆ្ពោះទៅរកការនាំចេញ និងទាក់ទាញការវិនិយោគផ្ទាល់ពីបរទេស (FDI) បន្តនាំមកនូវលទ្ធផលសេដ្ឋកិច្ចល្អដល់ប្រទេសវៀតណាមក្នុងប៉ុន្មានឆ្នាំខាងមុខនេះ”៕
បកប្រែដោយ Thuy Anh