អនុញ្ញាតឲ្យជើងហោះហើរចំនួន ១២ បន្ថែមទៀតបញ្ជូនពលរដ្ឋវៀតណាមពីសហរដ្ឋអាមេរិកត្រឡប់មកប្រទេសវិញ
កប.អនឡាញ - នាថ្ងៃទី១០ មិថុនា ក្រុមហ៊ុនអាកាសចរណ៍ជាតិវៀតណាម (Vietnam Airlines) បានឲ្យដឹងថា ក្រុមហ៊ុននេះទទួលបានការអនុញ្ញាតរបស់រដ្ឋបាលសន្តិសុខផ្នែកដឹកជញ្ជូន (TSA) សម្រាប់ការបើកជើងហោះហើរចំនួន ១២ ដើម្បីបញ្ជូនពលរដ្ឋវៀតណាមត្រឡប់មកប្រទេសវិញនៅឆ្នាំ២០២១។
បច្ចុប្បន្ននេះ ក្រុមហ៊ុន Vietnam Airlines ជាក្រុមហ៊ុនអាកាសចរណ៍តែមួយរបស់វៀតណាមត្រូវបាន TSA ផ្ដល់ការអនុញ្ញាតឲ្យបើកជើងហោះហើរទៅកាន់ប្រទេសអាមេរិក។ តាមគម្រោង ជើងហោះហើរដំបូងបង្អស់នឹងចាកចេញពីទីក្រុងហាណូយទៅដល់ទីក្រុងវ៉ាស៊ីនតោនឌីស៊ី (អាមេរិក) នាថ្ងៃទី២២ ខែមិថុនា និងត្រឡប់មកវៀតណាមវិញនាថ្ងៃទី២៤ មិថុនា។ ក្រុមហ៊ុនក៏បានអនុវត្តដំណោះស្រាយប្រយុទ្ធប្រឆាំងនឹងជំងឺរាតត្បាតតាមស្តង់ដារសុវត្ថិភាពខ្ពស់បំផុត៕
បកប្រែដោយ Thuy Anh