ការនាំចេញត្រីប្រាទៅចក្រភពអង់គ្លេសបានកើនឡើងយ៉ាងខ្លាំង
កប.អនឡាញ - ការនាំចេញត្រីប្រាទៅចក្រភពអង់គ្លេសបានកើនឡើងជាង ២៣ ភាគរយ ក្នុងរយៈពេល ៨ ខែនៃឆ្នាំនេះ ទោះបីការនាំចេញទៅកាន់ទីផ្សារផ្សេងៗទៀតបានធ្លាក់ចុះយ៉ាងខ្លាំងក៏ដោយ។
យោងតាមសមាគមន៍កែច្នៃ និងនាំចេញជលផលវៀតណាម (VASEP) បានអោយដឹងថា តំលៃនាំចេញត្រីបា្រសរុបក្នុងរយៈពេល ៨ ខែកន្លងមកបានកើនឡើងជាង ៩០០ លានដុល្លារ ពោលគឺធ្លាក់ចុះជិត ៣០% បើប្រៀបធៀបនឹងរយៈពេលដូចគ្នានាឆ្នាំមុន។
    |
 |
|
រូបថតឧទាហរណ៍ (ប្រភព៖ cafe.vn) |
មូលហេតុគឺមកពីការនាំចេញទៅកាន់ទីផ្សារធំៗដូចជា សហរដ្ឋអាមេរិក អាស៊ាន និងចិន បានធ្លាក់ចុះយ៉ាងខ្លាំង ដោយសារទទួលរងឥទ្ធិពលនៃកូវីដ-១៩ ។ តែការនាំចេញត្រីប្រាទៅកាន់ចក្រភពអង់គ្លេសបានកើនឡើងយ៉ាងខ្លាំងវិញ។
នៅដំណាច់ខែសីហា តំលៃនាំចេញត្រីប្រាសរុបទៅចក្រភពអង់គ្លេសបានកើនឡើងដល់ជាង ៤៦ លានដុល្លារកើនឡើង ៥៦% បើប្រៀបធៀបនឹងរយៈពេលដូចគ្នាកាលពីឆ្នាំមុន។
យោងតាម VASEP ឲ្យដឹងថា តម្លៃនៃត្រីប្រាហ្វីឡេកកដែលនាំចេញទៅចក្រភពអង់គ្លេសក្នុងរយៈពេល ៨ ខែកន្លងមកគឺប្រសើរជាងទីផ្សារជាច្រើនទៀត។ តម្លៃខ្ពស់បំផុតគឺ ៣,៦ - ៣,៦៥ ដុល្លារ / គីឡូក្រាម ក្នុងខែឧសភាកន្លងមក៕
បកប្រែដោយ Duy Hoan