ក្នុងជំនួបនេះ លោកឧត្តមសេនីយ៍ត្រី នុត នន្ទ មេបញ្ជាការរង និងជានាយសេនាធិការ  កងរាជអាវុធហត្ថខេត្តស្វាយរៀង បានសម្តែងនូវក្តីសប្បាយរីករាយ ព្រោះក្នុងរយៈពេលប៉ុន្មានឆ្នាំចុងក្រោយនេះ ការសម្របសម្រួល និងផ្លាស់ប្តូរស្ថានភាពរវាងកងកម្លាំងទាំងពីរ ទទួលបានលទ្ធផលជាវិជ្ជមាន ព្រមទាំងរំពឹងថា នាពេលខាងមុខ ភាគីទាំងពីរនឹងបន្តសម្របសម្រួល និងសហការកាន់តែជិតស្និទ្ធថែមទៀតក្នុងការអនុវត្តការងារគ្រប់គ្រង និងការពារព្រំដែន ការប្រយុទ្ធប្រឆាំងនឹងឧក្រិដ្ឋកម្មគ្រប់ប្រភេទ ការរក្សាបាននូវសន្តិសុខនយោបាយ សណ្តាប់ធ្នាប់ សុវត្ថិភាពសង្គម នៅតាមតំបន់ព្រំដែនខេត្តទាំងពីរ។

leftcenterrightdel
កងរាជអាវុធហត្ថខេត្តស្វាយរៀង អញ្ជើញមកជូនពរឆ្នាំថ្មីកងទ័ពការពារព្រំដែន Long An (រូប​ថត៖ bienphong.com.vn)

ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម ក្នុងនាមគណៈប្រតិភូ លោកឧត្តមសេនីយ៍ត្រី នុត នន្ទ មេបញ្ជាការរង និងជានាយសេនាធិការ  កងរាជអាវុធហត្ថខេត្តស្វាយរៀង បានជូនពរសុខភាពល្អ និងជូនអំណោយដល់នាយទាហាន នាយទាហានរងនៃកងការពារព្រំដែន Long An។

លោកវរសេនីយ៍ឯក Nguyen Tuan មេបញ្ជាការរងនៃកងទ័ពការពារព្រំដែន Long An បានថ្លែងអំណរគុណចំពោះក្តីស្រឡាញ់ដែលកងរាជអាវុធហត្ថខេត្តស្វាយរៀងបានផ្តល់ជូននាយទាហាន និងពលទាហាន នៃកងទ័ពការពារព្រំដែន Long An ព្រមទាំងសង្ឃឹមថា ភាគីទាំងពីរនឹងបន្តផ្លាស់ប្តូរព័ត៌មាន សម្របសម្រួលកាន់តែជិតស្និទ្ធក្នុងការគ្រប់គ្រង និងការពារព្រំដែនរួមរវាងប្រទេសទាំងពីរ រក្សាទំនាក់ទំនងសាមគ្គីភាព និងរួមគ្នាកសាងព្រំដែនសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ។

បកប្រែដោយ Duy Hoan