មន្ទីរពេទ្យ Gia An 115 ភាគខាងត្បូងវៀតណាមទទួលស្វាគមន៍ការអញ្ជើញមកទស្សនកិច្ចនៃឧបនាយករដ្ឋមន្រ្តីកម្ពុជា

ក្នុងឱកាសនៃដំណើរទស្សនកិច្ចនៅប្រទេសវៀតណាម លោកជំទាវ ម៉ែន សំអន ឧបនាយករដ្ឋមន្រ្តីកម្ពុជា និងជារដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចកម្ពុជាបានអញ្ជើញមកបំពេញទស្សនកិច្ចនៅមន្ទីរពេទ្យ Gia An 115  នៅស្រុក Binh Tan នៃទីក្រុងហូជីមិញ។ អ្នកជំងឺកម្ពុជាជាច្រើនបានមកត្រួតពិនិត្យសុខភាពនៅមន្ទីរពេទ្យ Gia An 115 ទោះបីជាវាត្រូវបានដាក់ឱ្យដំណើរការជាផ្លូវការកាលពីថ្ងៃទី ២២ ខែធ្នូ ឆ្នាំ ២០១៨ រហូតមកដល់បច្ចុប្បន្ន។

លោកជំទាវ ម៉ែន សំអន ឧបនាយករដ្ឋមន្រ្តីកម្ពុជាអញ្ជើញមកបំពេញទស្សនកិច្ចនៅមន្ទីរពេទ្យ Gia An 115 (រូបថត៖​ thanhnien.vn)

គណៈប្រតិភូបានលើកទឹកចិត្តដល់ក្រុមគ្រូពេទ្យ គិលានុបដ្ឋាយិកា កម្មភិបាល និងបុគ្គលិកទាំងអស់ដែលកំពុងធ្វើការនៅមន្ទីរពេទ្យ Gia An 115 និងវាយតំលៃខ្ពស់ចំពោះបរិក្ខាសំភារៈ និងគុណភាពនៃសេវាកម្មនៅទីនេះ ក៏​ដូច​ជាការយកចិត្តទុកដាក់យ៉ាងជ្រាលជ្រៅរបស់វេជ្ជបណ្ឌិតចំពោះអ្នកជំងឺ។

គណៈប្រតិភូបានវាយតម្លៃខ្ពស់ចំពោះបរិក្ខាសំភារៈនិងគុណភាពសេវាកម្មនៅមន្ទីរពេទ្យ (រូបថត៖​ thanhnien.vn)

យោងតាមទិន្នន័យពី  International Medical Travel Journal ជារៀងរាល់ថ្ងៃមានប្រជាជនកម្ពុជាប្រមាណ ២៥០ នាក់បានមកប្រទេសវៀតណាមដើម្បីព្យាបាលជំងឺ៕

បកប្រែដោយ Duy Hoan