ជូនអំណោយដល់ជនរួមជាតិភាគតិចខេត្ត Binh Phuoc

អង្គភាពបានប្រគល់កង់ ១០ គ្រឿង ប្រព័ន្ធចម្រោះទឹកស្អាតចំនួន១ ឯកសណ្ឋានសាលារៀនចំនួន៥៨៧ ជូនជនរួមជាតិភាគតិច ជូនអំណោយចំនួន ៥៨៧ កញ្ចប់ដល់សិស្សជនជាតិភាគតិច និងជូនអំណោយចំនួន ២៥០ កញ្ចប់ដល់ជនរួមជាតិដែលមានស្ថានភាពលំបាក និងអ្នកក្រីក្រនៅស្រុក Bu Gia Map។ ថវិកាសរុបសម្រាប់កម្មវិធីគឺ ៤៩០ លានដុង។

ជូនអំណោយដល់សិស្សជនជាតិភាគតិចនៅស្រុក Bu Gia Map ខេត្ត Binh Phuoc

កម្មវិធីជូនអំណោយដល់សិស្ស ជនរួមជាតិភាគតិច និងប្រជាពលរដ្ឋមានស្ថានភាពលំបាកនៅមូលដ្ឋាន បានបង្ហាញពីមនោសញ្ចេតនា និងទំនួលខុសត្រូវរបស់កម្មាភិបាល និងយុទ្ធជននៃកងកម្លាំងប្រដាប់អាវុធ ចំពោះសិស្ស និងជនរួមជាតិភាគតិចនៅមូលដ្ឋានតាមរយៈនោះ យកចិត្តទុកដាក់លើការអប់រំរបស់កុមារ លើកកំពស់ជីវភាពរស់នៅរបស់ប្រជាជន និងកសាងចំណងសាមគ្គីភាពរវាងកងទ័ពនិងប្រជាជននៅតំបន់ព្រំដែនស្រុក Bu Gia Map (ខេត្ត Binh Phuoc)៕

បកប្រែដោយ Thuy Anh