លោកវរសេនីយ៍ឯក Nguyen Van Ngan នាយរងសេនាធិការ តំបន់លេខ៤ ប្រធានក្រុមបេសកកម្មនៃកងទ័ពជើងទឹកវៀតណាម និងលោកឧត្តមនាវីត្រី Kemas M.Ikhwan Madani មេបញ្ជាការមូលដ្ឋានទ័ពជើងទឹកលេខ៤ នៃកងទ័ពជើងទឹកឥណ្ឌូណេស៊ី បានជាសហប្រធានក្នុងពិធីបិទ។

leftcenterrightdel
តំណាងកងទ័ពជើងទឹកនៃប្រទេសទាំងពីរក្នុងពិធីបិទ

ថ្លែងមតិក្នុងពិធីបិទ លោកវរសេនីយ៍ឯក Nguyen Van Ngan បានសង្កត់ធ្ងន់ថា ក្រោយរយៈពេល ៦ ថ្ងៃនៃការធ្វើសកម្មភាពយ៉ាងសកម្ម និងមានទំនួលខុសត្រូវ កងទ័ពជើងទឹកនៃប្រទេសទាំងពីរបានសម្របសម្រួលរៀបចំការអនុវត្តសមយុទ្ធប្រកបដោយជោគជ័យ។ តាមរយៈសកម្មភាពនេះ កងទ័ពជើងទឹកនៃប្រទេសទាំងពីរបានផ្លាស់ប្តូរ និងសិក្សាបទពិសោធន៍វិជ្ជាជីវៈ; លើកកម្ពស់សមត្ថភាពសម្របសម្រួលក្នុងការដោះស្រាយបញ្ហាប្រឈមរួមខាងសន្តិសុខនាវាចរណ៍ រួមចំណែករក្សាសន្តិភាព ស្ថិរភាព និងជំរុញកិច្ចសហប្រតិបត្តិការនៅតំបន់សមុទ្រជាប់ព្រំដែនរវាងប្រទេសទាំងពីរ; រឹកបន្តឹងទំនាក់ទំនងមិត្តភាព និងកិច្ចសហប្រតិបត្តិការរវាងវៀតណាម និងឥណ្ឌូណេស៊ីនិយាយរួម រវាងកងទ័ពជើងទឹកនៃប្រទេសទាំងពីរនិយាយដោយឡែក។

លោកឧត្តមនាវីត្រី Kemas M.Ikhwan Madani បានអបអរសាទរចំពោះជោគជ័យនៃសមយុទ្ធលើកនេះ ព្រមទាំងសម្តែងនូវក្តីជឿជាក់ថា CODEX 22B-I នឹងជួយឱ្យកងទ័ពជើងទឹកនៃប្រទេសទាំងពីរទទួលបានបទពិសោធន៍បន្ថែមទៀត ដើម្បីរៀបចំសកម្មភាពលើកក្រោយឱ្យកាន់តែមានប្រសិទ្ធភាព។

CODEX 22B-I ដែលប្រព្រឹត្តទៅចាប់ពីថ្ងៃទី ២៩ ខែសីហា ដល់ថ្ងៃទី ៣ ខែកញ្ញា គឺជាសកម្មភាពផ្លាស់ប្តូរ និងហាត់សមទ្វេភាគីលើកដំបូងរវាងកងទ័ពជើងទឹកប្រជាជនវៀតណាម និងកងទ័ពជើងទឹកឥណ្ឌូណេស៊ី៕

បកប្រែដោយ Huyen Trang