រួមចំណែកក្នុងការអប់រំសេចក្តីស្រលាញ់សមុទ្រ និងកោះនៃមាតុភូមិ

គ្រូបង្រៀន និងសិស្សានុសិស្សនៃសាលាវិទ្យាល័យ Phan Dinh Phung ទៅទស្សនាការតាំងពិព័រណ៍រូបថតអំពីសមុទ្រ និងកោះ

បន្ទាប់ពីគោរពទង់ជាតិ សិស្សានុសិស្សនៃសាលារួមជាមួយក្លឹបយុវជនដើម្បីសមុទ្រ និងកោះបានចូលរួមសំដែងសិល្បៈឆ្ពោះទៅរកសមុទ្រ និងកោះ។ក្នុងឱកាសនេះដែរគ្រូបង្រៀន និងសិស្សានុសិស្សក៏បានទស្សនាការតាំងពិព័រណ៍រូបថតជាង ១០០ ផ្ទាំង អំពីសមុទ្រ និង​កោះ។ នេះជាលើកដំបូងដែលសិស្សានុសិស្សនៃសាលាវិទ្យាល័យ Phan Dinh Phung បានគយគន់រូបភាពនៃស្ថានីយ៍អណ្តូង DK ចំនួន ១៥ នៅតំបន់ខ្ពង់រាបបាតសមុទ្រនៃមាតុភូមិវៀតណាម និងរូបថតមួយចំនួនអំពីប្រជុំកោះ Truong Sa។

វិស្វករ Tran Thanh បានចែករំលែកថា៖ “ការតាំងបង្ហាញនិងអប់រំសេចក្តីស្រឡាញ់សមុទ្រ និងកោះសម្រាប់យុវជននៃស្ថាប័ន អង្គភាព និងសាលារៀនជាសកម្មភាពប្រចាំរបស់ក្លឹបយុវជនដើម្បីសមុទ្រនិងកោះ។ តាមរយៈរូបភាព និងរឿងរ៉ាវអំពីប្រជុំកោះ Truong Sa និងសមុទ្រ កោះនៃមាតុភូមិ យើងសូមផ្ញើសារអំពីអធិបតេយ្យភាពសមុទ្រ និងកោះ និងទំនួលខុសត្រូវរបស់យុវជនក្នុងការចូលរួមរក្សានិងការពារអធិបតេយ្យភាពសមុទ្រនិងកោះដ៏ពិសិដ្ឋរបស់ប្រទេសជាតិ”៕

បកប្រែដោយ Huyen Trang