ADMM-19៖ អាស៊ានរួបរួមគ្នាដើម្បីសន្តិសុខ និងវិបុលភាព

គណៈប្រតិភូជាន់ខ្ពស់នៃក្រសួងការពារប្រទេសវៀតណាម ដឹកនាំដោយ លោកនាយឧត្តមសេនីយ៍ Phan Van Giang សមាជិកការិយាល័យនយោបាយ អនុលេខានៃគណៈកម្មាធិការបក្សយោធាមជ្ឈិម រដ្ឋមន្ត្រីក្រសួងការពារប្រទេស អញ្ជើញចូលរួម ADMM-19។

លោកនាយឧត្តមសេនីយ៍ Phan Van Giang

នៅក្នុងសុន្ទរកថាបើក រដ្ឋមន្ត្រីក្រសួងការពារជាតិម៉ាឡេស៊ី បានថ្លែងអំណរគុណដល់ប្រទេសនានាចំពោះការគាំទ្រចំពោះប្រទេសម៉ាឡេស៊ី ក្នុងអំឡុងពេលឆ្នាំប្រធានអាស៊ានឆ្នាំ ២០២៥ រួមទាំងការរៀបចំ ADMM-19 ក្រោមប្រធានបទ "សាមគ្គីភាពអាស៊ានដើម្បីសន្តិសុខ និងវិបុលភាព"។ លោករដ្ឋមន្ត្រី Dato' Seri Mohamed Khaled bin Nordin បានសង្កត់ធ្ងន់ថា ឆ្នាំ ២០២៥ ដែលមានការប្រែប្រួលជាច្រើន បានសាកល្បងភាពធន់នៃសេដ្ឋកិច្ចអាស៊ាន។ នៅក្នុងបរិបទនោះ អាស៊ាននៅតែបន្តឈរយ៉ាងរឹងមាំ។ រដ្ឋមន្ត្រីក្រសួងការពារជាតិម៉ាឡេស៊ីបានអបអរសាទរដល់ប្រទេសកម្ពុជា និងថៃ ដែលបានចុះហត្ថលេខាលើកិច្ចព្រមព្រៀងសន្តិភាព ក៏ដូចជាទីម័រខាងកើត ដែលបានក្លាយជាសមាជិកទី១១ នៃអាស៊ានជាផ្លូវការ។ ព្រមទាំងបានចែករំលែកជាមួយវៀតណាម និងហ្វីលីពីន ចំពោះផលប៉ះពាល់នៃគ្រោះមហន្តរាយធម្មជាតិនាពេលថ្មីៗនេះ។

ទិដ្ឋភាពនៃកិច្ចប្រជុំ​

កិច្ចប្រជុំរដ្ឋមន្ត្រីការពារជាតិអាស៊ានលើកទី ១៩

តាងនាមគណៈប្រតិភូជាន់ខ្ពស់នៃក្រសួងការពារប្រទេសវៀតណាម លោកនាយឧត្តមសេនីយ៍ Phan Van Giang បានបញ្ជាក់ថា វៀតណាមផ្តល់ការគាំទ្រកម្រិតខ្ពស់បំផុតសម្រាប់ម៉ាឡេស៊ី ដើម្បីបំពេញភារកិច្ចរបស់ខ្លួនក្នុងនាមជាប្រធានអាស៊ានឆ្នាំ២០២៥។ ព្រមទាំងបន្តពង្រឹងសាមគ្គីភាព និងកម្លាំងរបស់អាស៊ាន ដើម្បីឆ្លើយតបប្រកបដោយភាពបត់បែន និងសកម្មចំពោះបញ្ហាប្រឈមសន្តិសុខដែលតំបន់នេះកំពុងប្រឈមមុខ ដើម្បីតំបន់មួយដែលមានសន្តិភាព សុវត្ថិភាព និងធន់។ ក្នុងឱកាសនេះ លោកនាយឧត្តមសេនីយ៍ Phan Van Giang បានអបអរសាទរដល់ទីម័រខាងកើត ដែលបានក្លាយជាសមាជិកអាស៊ានជាផ្លូវការ។ លោកនាយឧត្តមសេនីយ៍ Phan Van Giang បានអបអរសាទរដល់រដ្ឋមន្ត្រីក្រសួងការពារជាតិថ្មីនៃប្រទេសឡាវ សិង្ហបុរី និងថៃ។ ព្រមទាំងបានចែករំលែកជាមួយប្រទេសហ្វីលីពីនចំពោះការរញ្ជួយដីថ្មីៗនេះ និងបានថ្លែងអំណរគុណដល់ប្រទេសនានា ដែលចែករំលែកជាមួយប្រជាជនវៀតណាម ចំពោះការខូចខាតដែលបង្កឡើងដោយខ្យល់ព្យុះ ទឹកជំនន់ និងគ្រោះមហន្តរាយធម្មជាតិ៕

បកប្រែដោយ Duy Hoan