កងទ័ពប្រជាជនវៀតណាមសន្យាបន្តរួមចំណែកកសាងអាស៊ានមួយសាមគ្គីភាព

លោកនាយឧត្តមសេនីយ៍  Nguyen Tan Cuong មានប្រសាសន៍នៅក្នុងកិច្ចប្រជុំ

ក្នុងសុន្ទរកថា  លោកនាយឧត្តមសេនីយ៍ Nguyen Tan Cuong បានមានប្រសាសន៍ថា ជាងពេលណាៗទាំងអស់ អាស៊ានចាំបាច់ត្រូវលើកកំពស់តួនាទីជាមជ្ឈភាពរបស់ខ្លួន និងពង្រឹងសាមគ្គីភាពក្នុងប្លុកតាមរយៈសកម្មភាពជាក់ស្តែង ដើម្បីជំនះរាល់បញ្ហាប្រឈមរួម។ លោកនាយឧត្តមសេនីយ៍ Nguyen Tan Cuong បានលើកឡើងទិសដៅចំនួនបួនសម្រាប់កិច្ចសហប្រតិបត្តិការយោធា-ការពារជាតិរបស់អាស៊ាន រួមមាន៖ បន្តពង្រឹងសាមគ្គីភាព និងតួនាទីជាមជ្ឈភាពរបស់អាស៊ាន លើកកម្ពស់ប្រសិទ្ធភាពនៃយន្តការសហប្រតិបត្តិការការពារជាតិដែលមានស្រាប់ ពង្រឹងការចែករំលែកព័ត៌មានជាយុទ្ធសាស្ត្រក្នុងចំណោមកងទ័ពអាស៊ាន បង្កើនកិច្ចសហប្រតិបត្តិការដើម្បីពង្រឹងសមត្ថភាពឆ្លើយតបទៅនឹងការគំរាមកំហែងខាងសន្តិសុខមិនប្រពៃណី ដំបូងបង្អស់គឺការធានាសុវត្ថិភាពតាមអ៊ីនធឺណិត ជំរុញជំនួបប្រាស្រ័យការពារជាតិ តាមរយៈសកម្មភាពដែលអាចបត់បែនបាន សមស្របទៅនឹងលក្ខខណ្ឌរបស់ប្រទេសនីមួយៗ។

ប្រធានគណៈប្រតិភូថតរូបទុកជាអនុស្សាវរីយ៍

អំពីស្ថានភាពនៅសមុទ្រខាងកើត លោកនាយឧត្តមសេនីយ៍ Nguyen Tan Cuong បានអះអាងថា វៀតណាមជានិច្ចកាលប្រកាន់ខ្ជាប់នូវគោលជំហរក្នុងការដោះស្រាយជម្លោះដោយសន្តិវិធី ដោយឈរលើមូលដ្ឋានគោរពឯករាជ្យ អធិបតេយ្យភាព និងផលប្រយោជន៍ស្របច្បាប់របស់ប្រទេសនានា អនុលោមតាមច្បាប់អន្តរជាតិ ជាពិសេសអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ១៩៨២។ វៀតណាមគាំទ្រការអនុវត្តយ៉ាងពេញលេញនូវសេចក្តីថ្លែងការណ៍ស្តីពីការប្រតិបត្តិរបស់ភាគីនានានៅសមុទ្រខាងកើត (DOC) និងសម្រេចឲ្យបានឆាប់ៗនូវក្រមប្រតិបត្តិតំបន់នៅសមុទ្រខាងកើត (COC) ប្រកបដោយប្រសិទ្ធភាព ភាពជាក់ស្តែង ស្របតាមច្បាប់អន្តរជាតិ និង UNCLOS ឆ្នាំ១៩៨២។

នៅក្នុងកិច្ចប្រជុំបានប្រព្រឹត្តទៅពិធីប្រគល់តំណែងប្រធាន ADFM លើកទី ២៣, AMIM លើកទី ២៣ និង AMOM លើកទី ១៦ ដល់សាធារណរដ្ឋហ្វីលីពីនក្នុងឆ្នាំ ២០២៦៕

បកប្រែដោយ Thanh Cong