នាយឧត្តមសេនីយ៍ Phan Van Giang អញ្ជើញទៅសួរសុខទុក្ខ និងប្រគល់អំណោយនៅខេត្ត Thai Nguyen

តាងនាមថ្នាក់ដឹកនាំបក្ស រដ្ឋ គណៈកម្មាធិការបក្សយោធាមជ្ឈិម និងក្រសួងការពារប្រទេស លោកនាយឧត្តមសេនីយ៍ Phan Van Giang បានអបអរសាទរចំពោះលទ្ធផលលេចធ្លោដែលខេត្ត Thai Nguyen សម្រេចបានក្នុងឆ្នាំ ២០២៤។ ទោះបីជាប្រឈមមុខនឹងការលំបាកជាច្រើនដោយសារជំងឺរាតត្បាត និងគ្រោះធម្មជាតិក៏ដោយប៉ុន្តែក្រោមការដឹកនាំយ៉ាងសកម្មរបស់គណៈកម្មាធិការបក្ស ការចូលរួមយ៉ាងសកម្មរបស់អាជ្ញាធរគ្រប់លំដាប់ថ្នាក់ និងការចូលរួមពីប្រជាជន ខេត្ដ Thai Nguyen បានសម្រេចគោលដៅ និងភារកិច្ចដែលបានកំណត់។ ការងារសន្តិសុខសង្គម ការពារជាតិ និងសន្តិសុខ ត្រូវបានថែរក្សា និងពង្រឹង។

លោកនាយឧត្តមសេនីយ៍ Phan Van Giang ប្រគល់អំណោយដល់អ្នកទទួលរបបឧបត្ថម្ភគោលនយោបាយ និងអ្នកមានគុណូបការៈចំពោះបដិវត្តន៍នៅស្រុក Dong Hy ខេត្ត Thai Nguyen

ជូនដំណឹងដល់កម្មាភិបាល សមាជិកបក្សនិងប្រជាជនខេត្ត Thai Nguyen អំពីលទ្ធផលនៃការអនុវត្តភារកិច្ចរបស់កងទ័ពឆ្នាំ ២០២៤ លោកនាយឧត្តមសេនីយ៍ Phan Van Giang បានអះអាងថា៖ គណៈកម្មាធិការបក្សយោធាមជ្ឈិម និងក្រសួងការពារប្រទេស បានដឹកនាំយ៉ាងប្រសិទ្ធភាព និងសម្រេចគ្រប់ភារកិច្ច។ អង្គភាពទាំងមូលបានលើកកម្ពស់ស្មារតីសាមគ្គីភាព ត្រៀមខ្លួនទទួលនិងបំពេញគ្រប់ភារកិច្ចឲ្យបានល្អ។ រក្សាការត្រៀមប្រយុទ្ធយ៉ាងម៉ឺងម៉ាត់ ក្តាប់ស្ថានការណ៍ ផ្ដល់យោបល់ទាន់ពេលជូនបក្ស រដ្ឋ ដើម្បីដោះស្រាយស្ថានការណ៍ប្រកបដោយប្រសិទ្ធភាព ជៀសវាងភាពអសកម្ម ឬ ជាយថហេតុ និងការពារអធិបតេយ្យភាព និងទឹកដីយ៉ាងរឹងមាំ សម្របសម្រួលរក្សាសន្តិសុខ សណ្តាប់ធ្នាប់នយោបាយ និងសុវត្ថិភាពសង្គមនៅទូទាំងប្រទេស។

ទន្ទឹមនឹងនោះ ក្រសួងការពារប្រទេសបានរៀបចំពិព័រណ៌ការពារជាតិអន្តរជាតិវៀតណាមឆ្នាំ ២០២៤ ប្រកបដោយជោគជ័យ និងសកម្មភាពអបអរសាទរខួបអនុស្សាវរីយ៍លើកទី៧០ នៃជ័យជំនះ Dien Bien Phu និងខួបអនុស្សាវរីយ៍លើកទី៨០ នៃការបង្កើតកងទ័ពប្រជាជនវៀតណាម និងខួបអនុស្សាវរីយ៍លើកទី ៣៥ នៃទិវាការពារជាតិដោយប្រជាជនទាំងមូលដែលបន្សល់ទុកនូវចំណាប់អារម្មណ៍ល្អជាច្រើនចំពោះថ្នាក់ដឹកនាំបក្ស រដ្ឋ និងជនរួមជាតិទូទាំងប្រទេសនិងមិត្តអន្តរជាតិ។

ក្នុងឱកាសបុណ្យចូលឆ្នាំថ្មីប្រពៃណីជាតិ ២០២៥ តាងនាមថ្នាក់ដឹកនាំបក្ស រដ្ឋ គណៈកម្មាធិការបក្សយោធាមជ្ឈិម និងក្រសួងការពារប្រទេស លោកនាយឧត្តមសេនីយ៍ Phan Van Giang បានជូនពរគណៈកម្មាធិការបក្ស អាជ្ញាធរ កងកម្លាំងប្រដាប់អាវុធនិងប្រជាជនខេត្ដ Thai Nguyen ទទួលអំណរឆ្នាំថ្មីក្នុងក្ដីសប្បាយរីករាយ សុវត្ថិភាពនិងសន្សំសំចៃ។

លោកនាយឧត្តមសេនីយ៍ Phan Van Giang ចុះសួរសុខទុក្ខ និងប្រគល់អំណោយដល់គណៈកម្មាធិការបក្ស គណៈកម្មាធិការប្រជាជន និងស្ថាប័ននានានៃខេត្ដ Thai Nguyen

អញ្ជើញទៅសួរសុខទុក្ខ និងជូនពរឆ្នាំថ្មីដល់បញ្ជាការយោធភូមិភាគទី១ លោកនាយឧត្តមសេនីយ៍ Phan Van Giang បានកោតសរសើរចំពោះលទ្ធផលលេចធ្លោដែលយោធភូមិភាគសម្រេចបានក្នុងឆ្នាំ ២០២៤; នាយឧត្តមសេនីយ៍ Phan Van Giang ស្នើឲ្យគណៈកម្មាធិការបក្ស និងបញ្ជាការដ្ឋានយោធភូមិភាគទី១ ពង្រឹងបន្ថែមទៀតនូវសាមគ្គីភាព និងឯកភាព និងដឹកនាំអង្គភាព លើកកម្ពស់ការទទួលខុសត្រូវ  និងបំពេញភារកិច្ចយោធា និងការពារជាតិឆ្នាំ២០២៥។ រក្សាការត្រៀមប្រយុទ្ធក្នុងឱកាសបុណ្យចូលឆ្នាំថ្មី ជៀសវាងភាពអសកម្ម ឬ ជាយថហេតុក្នុងគ្រប់ស្ថានភាព៕

បកប្រែដោយ Pham Diep