អញ្ជើញចូលរួមពិធីនេះមានលោក To Lam អគ្គលេខាបក្ស លោក Luong Cuong ប្រធានរដ្ឋ លោក Pham Minh Chinh នាយករដ្ឋមន្ត្រី លោក Tran Thanh Man ប្រធានរដ្ឋសភា រួមជាមួយថ្នាក់ដឹកនាំ និងអតីតថ្នាក់ដឹកនាំរបស់បក្ស និងរដ្ឋ។

leftcenterrightdel
លោក To Lam អគ្គលេខាបក្ស អញ្ជើញថ្លែងនៅពិធី (រូបថត៖ VOV)

ថ្លែងនៅក្នុងពិធីនេះ លោក To Lam អគ្គលេខាបក្ស បានអះអាងថា កិច្ចការផ្ទៃក្នុងគឺជាវិស័យសំខាន់ សំដៅការពារបក្ស របប ការពារសិទ្ធិ និងផលប្រយោជន៍ស្របច្បាប់របស់ប្រជាជន។ លោកអគ្គលេខាបក្ស បានបញ្ជាក់យ៉ាងច្បាស់ថា នៅក្នុងយុគសម័យអភិវឌ្ឍន៍ថ្មី ផ្នែកកិច្ចការផ្ទៃក្នុងរបស់បក្សត្រូវតែបន្តពង្រីកប្រពៃណីដ៏រុងរឿងក្នុងរយៈពេល ៦០ ឆ្នាំ ព្រមទាំងផ្តល់អាទិភាពលើការប្រយុទ្ធប្រឆាំងការខ្ជះខ្ជាយ ដើម្បីដោះសោរ និងប្រើប្រាស់ធនធានប្រកបដោយប្រសិទ្ធភាពសម្រាប់ការអភិវឌ្ឍ។

លោក To Lam អគ្គលេខាបក្ស អញ្ជើញមានប្រសាសន៍ថា៖ “ចាំបាច់ត្រូវធ្វើសេនាធិការដើម្បីជំរុញនិងបង្កើតការផ្លាស់ប្តូរកាន់តែខ្លាំងក្លា មានប្រសិទ្ធភាព និងចីរភាពជាងមុន ក្នុងការប្រយុទ្ធប្រឆាំងនឹងអំពើពុករលួយ ខ្ជះខ្ជាយ និងអវិជ្ជមាន។ នេះគឺជាភារកិច្ចយុទ្ធសាស្ត្រ និងយូរអង្វែង ដែលត្រូវតែអនុវត្តន៍ជាប្រចាំ ជាបន្តបន្ទាប់ ដោយឥតឈប់ឈរ។ ផ្នែកកិច្ចការផ្ទៃក្នុងរបស់បក្ស ត្រូវតែតំណាងឲ្យការប្តេជ្ញាចិត្តរបស់បក្សក្នុងការប្រយុទ្ធប្រឆាំងនឹងអំពើពុករលួយ ខ្ជះខ្ជាយ និងអវិជ្ជមាន "គ្មានតំបន់ហាមឃាត់ គ្មានករណីលើកលែង" "មនុស្សគ្រប់គ្នាគឺស្មើគ្នានៅចំពោះមុខច្បាប់" ព្រមទាំងជានិមិត្តរូបដើម្បីពង្រឹងជំនឿជឿជាក់របស់ប្រជាជនចំពោះបក្ស រដ្ឋ និងរបបផងដែរ”៕

តាម vovworld.vn