នៅក្នុងសុន្ទរកថាបិទសន្និបាតលើកទី១៤ លោក To Lam អគ្គលេខាបក្ស បានសង្កត់ធ្ងន់ថា សន្និបាតនៃគណៈកម្មាធិការមជ្ឈិមបក្សលើកទី១៤ បានសម្រេចខ្លឹមសារ និងរបៀបវារៈទាំងស្រុងដែលបានដាក់ចេញ ដោយមានការឯកភាពគ្នាខ្ពស់ និងគុណភាពល្អ។ បន្ទាប់ពីរយៈពេលពីរថ្ងៃធ្វើការគណៈកម្មាធិការមជ្ឈិមបានសម្រេចលើខ្លឹមសារសំខាន់ៗជាច្រើន រួមមាន៖ ការឯកភាពគ្នាលើចំនួនកម្មាភិបាលសម្រាប់ការិយាល័យនយោបាយ និងគណៈលេខានីតិកាលទី១៤; ឯកភាពលើបញ្ជីកម្មាភិបាលដែលត្រូវបានឧទ្ទេសនាម ឲ្យចូលរួមការិយាល័យនយោបាយ និងគណៈលេខានីតិកាលទី១៤ ខ្លឹមសារមួយចំនួនទាក់ទងនឹងកម្មាភិបាលជាន់ខ្ពស់របស់បក្សនិងរដ្ឋ; ឯកភាពលើខ្លឹមសារទាក់ទងនឹងការត្រៀមរៀបចំមហាសន្និបាតបក្សលើកទី១៤។

leftcenterrightdel
លោក To Lam អគ្គលេខាបក្ស ថ្លែងសុន្ទរកថាបិទសន្និបាតមជ្ឈិមលើកទី១៤ (រូបថត៖ baochinhphu.vn)

លោកអគ្គលេខាបក្សបានបញ្ជាក់ យ៉ាងច្បាស់ថា៖ «ក្នុងបរិបទនៃការលំបាក និងបញ្ហាប្រឈមជាច្រើន ស្ថានភាពក្នុងស្រុក និងអន្តរជាតិមានការវិវត្តយ៉ាងឆាប់រហ័ស និងស្មុគស្មាញ បញ្ហាជាច្រើនហួសពីការព្យាករណ៍ គ្រោះមហន្តរាយធម្មជាតិ និងជំងឺរាតត្បាតកើតមាននៅកន្លែងជាច្រើននោះ ប៉ុន្តែគណៈកម្មាធិការមជ្ឈិម ការិយាល័យនយោបាយ គណៈលេខា និងថ្នាក់ដឹកនាំកំពូល ពិតជាបានក្លាយទៅជាសមូហភាពប្រកបដោយសាមគ្គីភាព ឯកភាព ធ្វើជាគំរូ ឫទ្ធានុភាព និងភាពឆ្លាតវៃ ដែលប្រកាន់ខ្ជាប់នូវទស្សនៈ និងគោលមាគ៌ារបស់បក្ស ដោយ ធ្វើការសម្រេចចិត្តទាន់ពេលវេលា ត្រឹមត្រូវ និងសមស្រប ដោះស្រាយបញ្ហាសំខាន់ៗ ជាច្រើនលើសេដ្ឋកិច្ចសង្គម ការពារជាតិ សន្តិសុខ កិច្ចការបរទេស ការកសាងបក្ស និងប្រព័ន្ធនយោបាយ»។

ទាក់ទងនឹងការអនុវត្តសេចក្តីសម្រេចចិត្តលេខ ១៨ ស្តីពីការរៀបចំបង្រួមក្បាលម៉ាស៊ីនដឹកនាំនៃប្រព័ន្ធនយោបាយនោះ លោក To Lam អគ្គលេខាបក្ស បានសង្កត់ធ្ងន់ថា សេចក្តីសម្រេចចិត្តលេខ ១៨ ត្រូវបានសម្រេច ៥ ឆ្នាំមុនកាលកំណត់ ដែលបានបង្កើតជា "សន្ទុះ" និង "របត់" ក្នុងការដាក់ពង្រាយ និងការអនុវត្តសេចក្តីសម្រេចចិត្ត របស់បក្សក្នុងស្ថានភាពថ្មី។ លោកអគ្គលេខាបក្សបានស្នើថា៖ "គោលការណ៍ដ៏ខ្ជាប់ខ្ជួនគឺថា មូលដ្ឋានសម្រេចចិត្ត មូលដ្ឋានធ្វើ មូលដ្ឋានទទួលខុសត្រូវ និងកំណត់មនុស្សច្បាស់លាស់ - ការងារច្បាស់លាស់ - កាលកំណត់ច្បាស់លាស់ - ធនធានច្បាស់លាស់ - ការទទួលខុសត្រូវច្បាស់លាស់ មជ្ឈិមធ្វើជាគំរូ មូលដ្ឋានឆ្លើយតប បម្រើដើម្បីប្រជាជន លទ្ធផល និងផលិតផលការងារគឺជារង្វាស់ខ្ពស់បំផុតនៃកម្រិតនិងលក្ខណៈសម្បត្តិរបស់កម្មាភិបាល"៕

តាម vovworld.vn