កិច្ចប្រជុំកំពូលអាស៊ាន៖ វៀតណាមព្រមព្រៀងនាំចេញថាមពលកកើតឡើងវិញទៅកាន់ម៉ាឡេស៊ី និងសិង្ហបុរី
កប.អនឡាញ - នារសៀលថ្ងៃទី ២៦ ឧសភា នៅទីក្រុង Kuala Lumpur ប្រទេសម៉ាឡេស៊ី ក្នុងឱកាសចូលរួមកិច្ចប្រជុំកំពូលអាស៊ានលើកទី ៤៦ និងកិច្ចប្រជុំកំពូលពាក់ព័ន្ធ លោក Pham Minh Chinh នាយករដ្ឋមន្ត្រីវៀតណាម លោក Anwar Ibrahim នាយករដ្ឋមន្ត្រីម៉ាឡេស៊ី និង លោក Lawrence Wong នាយករដ្ឋមន្ត្រីសិង្ហបុរី បានអញ្ជើញសាក្សីក្នុងពិធីចុះហត្ថលេខាលើកិច្ចព្រមព្រៀងសហប្រតិបត្តិការលើការនាំចេញថាមពលកកើតឡើងវិញ។
ព្រឹត្តិការណ៍នេះគឺជាជំហានដំបូងដ៏សំខាន់ក្នុងការអនុវត្តកិច្ចសហប្រតិបត្តិការត្រីភាគី ដោយបញ្ជាក់ពីការប្តេជ្ញាចិត្តរួមក្នុងការលើកកម្ពស់ពាណិជ្ជកម្មអគ្គិសនីស្អាតឆ្លងព្រំដែន។ នេះក៏ជាព្រឹត្តិការណ៍ដ៏សំខាន់មួយ ដែលបង្ហាញពីការប្តេជ្ញាចិត្តរួមគ្នា ដើម្បីសម្រេចបាននូវចក្ខុវិស័យនៃបណ្តាញថាមពលអាស៊ាន និងលើកកម្ពស់ការតភ្ជាប់ថាមពលក្នុងតំបន់ប្រកបដោយនិរន្តរភាព និងបត់បែនជាងមុន។
    |
 |
|
ពិធីចុះហត្ថលេខាលើកិច្ចព្រមព្រៀងសហប្រតិបត្តិការអភិវឌ្ឍន៍រវាងសម្ព័ន្ធក្រុមហ៊ុនថាមពលនាំមុខគេនៃប្រទេសទាំងបីលើការនាំចេញថាមពលកកើតឡើងវិញពីវៀតណាមទៅកាន់ម៉ាឡេស៊ី និងសិង្ហបុរី។ (រូបថត៖ VGP) |
នៅក្រោមកិច្ចព្រមព្រៀងនេះ ភាគីនានានឹងសិក្សារួមគ្នាអំពីលទ្ធភាពនៃការនាំចេញថាមពលអគ្គិសនីស្អាតពីប្រទេសវៀតណាមទៅកាន់ប្រទេសម៉ាឡេស៊ី និងសិង្ហបុរី តាមរយៈខ្សែកាបក្រោមបាតសមុទ្រ តភ្ជាប់ទៅបណ្តាញអគ្គិសនីជាតិនៃឧបទ្វីបម៉ាឡេស៊ី ហើយពិចារណាពីលទ្ធភាពបំពេញបន្ថែម នៃប្រភព អគ្គិសនី និងប្រព័ន្ធស្តុកទុកដើម្បីធានាស្ថិរភាព។
ភាគីនានានឹងសម្របសម្រួលយ៉ាងជិតស្និទ្ធជាមួយអាជ្ញាធរពាក់ព័ន្ធនៃប្រទេសដែលពាក់ព័ន្ធក្នុងដំណើរការអភិវឌ្ឍគម្រោង ដោយបញ្ចប់ជាបណ្តើរៗនូវនីតិវិធីអនុម័តចាំបាច់ ដើម្បីរួមចំណែកលើកកម្ពស់ការតភ្ជាប់បណ្តាញអគ្គិសនី និងកិច្ចសហប្រតិបត្តិការថាមពលឆ្លងកាត់ព្រំដែន។
បកប្រែដោយ Duy Hoan