នាយករដ្ឋមន្ត្រីអេត្យូពី បញ្ចប់ដំណើរទស្សនកិច្ចផ្លូវការនៅវៀតណាមដោយជោគជ័យ

លោក Pham Minh Chinh នាយករដ្ឋមន្ត្រីវៀតណាម និងលោកជំទាវ ជាមួយ លោក Abiy Ahmed Ali នាយករដ្ឋមន្ត្រីអេត្យូពី និងលោកជំទាវ អញើញទស្សនាវត្ត Tran Quoc ទីក្រុងហាណូយ

លោកនាយករដ្ឋមន្ត្រីអេត្យូពីបានសម្តែងនូវសេចក្តីរីករាយក្នុងដំណើរទស្សនកិច្ចលើកដំបូងទៅកាន់ប្រទេសវៀតណាម បានមើលឃើញផ្ទាល់ភ្នែកនៃការអភិវឌ្ឍដ៏គួរឱ្យកត់សម្គាល់របស់ហាណូយ-ទីក្រុងដើម្បីសន្តិភាព។ ដោយថ្លែងអំណរគុណយ៉ាងស្មោះស្ម័គ្រចំពោះការទទួលស្វាគមន៍យ៉ាងកក់ក្តៅរាក់ទាក់ដែលថ្នាក់ដឹកនាំបក្ស រដ្ឋ និងប្រជាជនវៀតណាមជូនចំពោះគណៈប្រតិភូនោះ លោកនាយករដ្ឋមន្ត្រីអេត្យូពីទន្ទឹងរង់ចាំទទួលស្វាគមន៍លោក Pham Minh Chinh នាយករដ្ឋមន្ត្រីវៀតណាម និងលោកជំទាវ ព្រមទាំងថ្នាក់ដឹកនាំបក្ស និងរដ្ឋវៀតណាម អញើញមកបំពេញទស្សនកិច្ចនៅប្រទេសអេត្យូពី ដើម្បីឆ្លើយតបនឹងមនោសញ្ចេតនារបស់វៀតណាម និងបន្តជំរុញកិច្ចសហប្រតិបត្តិការទ្វេភាគី។

លោក Pham Minh Chinh នាយករដ្ឋមន្ត្រីវៀតណាម និងលោកជំទាវបានទទួលទានអាហារពេលព្រឹកជាមួយ លោក Abiy Ahmed Ali នាយករដ្ឋមន្ត្រីអេត្យូពី និងលោកជំទាវ

នារសៀលថ្ងៃទី ១៧ មេសា លោក Abiy Ahmed Ali នាយករដ្ឋមន្ត្រីអេត្យូពី និងលោកជំទាវ បានបញ្ចប់ដោយជោគជ័យនូវដំណើរទស្សនកិច្ចជាផ្លូវការនៅវៀតណាម និងចូលរួមកិច្ចប្រជុំកំពូលស្តីពីភាពជាដៃគូសម្រាប់ការអភិវឌ្ឍបៃតង និងគោលដៅសកល (P4G) លើកទី៤ តាមការអញ្ជើញរបស់ លោក Pham Minh Chinh នាយករដ្ឋមន្ត្រីវៀតណាម និងលោកជំទាវ៕

បកប្រែដោយ Duy Hoan