កិច្ចសហប្រតិបត្តិការរវាងខេត្តក្រុងគឺជាបណ្តាញមានប្រសិទ្ធិភាពដើម្បីជម្រុញទំនាក់ទំនងមិត្តភាពវៀតណាម-ជប៉ុន

ក្នុងក្របខ័ណ្ឌនៃដំណើទស្សនកិច្ចនោះ នារសៀលថ្ងៃទី ១៥ ខែធ្នូ លោក Pham Minh Chinh នាយករដ្ឋមន្ត្រីវៀតណាម បានទៅបំពេញទស្សនកិច្ចនៅខេត្ត Gunma ទទួលជួប លោក Yamamoto Ichita អភិបាលខេត្ត Gunma ចូលរួមពិភាក្សាជាមួយធុរកិច្ចធំៗក្នុងខេត្ត និងបំពេញទស្សនកិច្ចនៅក្រុមហ៊ុន Shibata Gousei។

លោក Pham Minh Chinh នាយករដ្ឋមន្ត្រីវៀតណាម បានទៅបំពេញទស្សនកិច្ចនៅខេត្ត Gunma ទទួលជួប លោក Yamamoto Ichita អភិបាលខេត្ត Gunma

ក្នុងជំនួបជាមួយអភិបាលខេត្ត Gunma លោក Yamamoto Ichita លោក Pham Minh Chinh នាយករដ្ឋមន្ត្រីវៀតណាម បានថ្លែងអំណរគុណចំពោះអភិបាលខេត្ត និងអាជ្ញាធរខេត្ត Gunma ដែលបានជួយឧបត្ថម្ភដល់សហគមន៍វៀតណាមដែលកំពុងរស់នៅ សិក្សា និងធ្វើការក្នុងខេត្ត។ វាយតំលៃខ្ពស់ចំពោះសមិទ្ធិផលវិជ្ជមានក្នុងកិច្ចសហប្រតិបត្តិការក្នុងតំបន់រវាងប្រទេសទាំងពីរនាពេលថ្មីៗនេះ ជាមួយនឹងទំនាក់ទំនងជាង ១០០ គូដែលបានបង្កើតឡើង។ លោក Pham Minh Chinh បានអះអាងថា រដ្ឋាភិបាលវៀតណាមជានិច្ចកាលចាត់ទុកកិច្ចសហប្រតិបត្តិការក្នុងតំបន់ជាបណ្តាញដ៏មានប្រសិទ្ធភាពដើម្បីជំរុញទំនាក់ទំនងមិត្តភាព និងសហប្រតិបត្តិការ និងពង្រឹងចំណងមិត្តភាពរវាងប្រជាជននៃប្រទេសទាំងពីរ។

អភិបាលខេត្ត Yamamoto Ichita បានសម្តែងនូវកិត្តិយសដែលលោក Pham Minh Chinh និងគណៈប្រតិភូជាន់ខ្ពស់វៀតណាមបានអញ្ជើញមកបំពេញទស្សនកិច្ចនៅខេត្ត។ លោកអះអាងថា នឹងបន្តបង្កើតលក្ខខណ្ឌអំណោយផល និងជំរុញសកម្មភាពផ្លាស់ប្តូរវប្បធម៌ ប្រជាជន សំដៅបង្កើនការយល់ដឹងគ្នាទៅវិញទៅមក និងបន្តទទួលពលករវៀតណាមបន្ថែមទៀត រួមទាំងកម្មសិក្សាការី និស្សិត ក៏ដូចជាការយកចិត្តទុកដាក់ និងគាំទ្រពួកគេក្នុងការធ្វើសមាហរណកម្មបន្ថែមទៀតទៅក្នុងសង្គមជប៉ុន។

លោក Pham Minh Chinh អញ្ជើញចូលរួមកិច្ចពិភាក្សា

បន្ទាប់ពីជំនួបជាមួយលោក Yamamoto Ichita  លោក Pham Minh Chinh បានអញ្ជើញចូលរួមកិច្ចពិភាក្សា និងផ្លាស់ប្តូរយោបល់ជាមួយសហគ្រាសធំៗរបស់ខេត្តចំនួន ១០ ដែលប្រតិបត្តិការលើវិស័យអចលនទ្រព្យ ហិរញ្ញវត្ថុ អាហារ ផលិតរថយន្ត ឧបករណ៍អេឡិចត្រូនិក ការលក់រាយ។ លោក Pham Minh Chinh បានជំរុញអង្គភាពអាជីវកម្មខេត្ត Gunma បន្តវិនិយោគបន្ថែមទៀតនៅវៀតណាមនាពេលខាងមុខ។

នាថ្ងៃដដែល លោក Pham Minh Chinh បានអញ្ជើញទៅទស្សនកិច្ចនៅក្រុមហ៊ុន Shibata Gousei នៅខេត្ត Gunma ដែលជាកន្លែងមានពលករវៀតណាមជាច្រើនកំពុងធ្វើការ។

បកប្រែដោយ Thanh Cong