គណៈប្រតិភូបក្សកុម្មុយនិស្ដវៀតណាមចូលរួមវេទិកាសារគមនាគម ICAPP

គណៈប្រតិភូបក្សកុម្មុយនិស្តវៀតណាមបានចូលរួមវេទិកា (រូបថត៖ vnanet.vn)

ថ្លែងមតិក្នុងសម័យប្រជុំពេញអង្គស្ដីពីតួនាទីរបស់សារគមនាគមក្នុងការកសាងសហគមន៍អាស៊ី តំណាងគណៈប្រតិភូបក្សកុម្មុយនិស្តវៀតណាមបានសង្កត់ធ្ងន់ថា វៀតណាមមានបំណងចង់ឱ្យ ICAPP និយាយរួម និងវេទិកា ICAPP និយាយដោយឡែកបន្តជាយន្តការសម្រាប់បណ្ដាគណបក្សជាសមាជិកទាំងអស់ពិភាក្សា និងចែករំលែកវិធានការដើម្បីលើកកម្ពស់ការធ្វើបរិវត្ដកម្មឌីជីថល ប្រើប្រាស់បណ្តាញសង្គមប្រកបដោយប្រសិទ្ធភាព កែលម្អលទ្ធភាពប្រើប្រាស់អុីនធឺណិត និងសមត្ថភាព​ឌីជីថលសម្រាប់ប្រជាពលរដ្ឋ និងបង្កើនការផ្សព្វផ្សាយរូបភាពរបស់បណ្ដាប្រទេស។ 

ក្នុងនាមជាសមាជិកនៃគណៈកម្មាធិការអចិន្ត្រៃយ៍ ICAPP បក្សកុម្មុយនិស្តវៀតណាមមានបំណងចង់ពង្រឹងកិច្ចសហប្រតិបត្តិការ និងផ្សព្វផ្សាយសកម្មភាពរបស់ ICAPP ឱ្យកាន់តែទូលំទូលាយថែមទៀតលើពហុប្រព័ន្ធសារគមនាគម និងក្នុងគ្រប់វណ្ណៈសង្គមវៀតណាម  ទន្ទឹមនឹងនោះ សម្របសម្រួលយ៉ាងជិតស្និទ្ធជាមួយលេខាធិការដ្ឋាន ICAPP ដើម្បីផ្សព្វផ្សាយបន្ថែមទៀតនូវរាល់សកម្មភាពរបស់ ICAPP លើពហុប្រព័ន្ធសារគមនាគមអន្តរជាតិ និងតំបន់៕

បកប្រែដោយ Thanh Cong