លោកនាយករដ្ឋមន្រ្តីវៀតណាម Nguyen Xuan Phuc ទទួលជួបឯកអគ្គរដ្ឋទូតគុយបា

ក្នុងជំនួប លោកនាយករដ្ឋមន្រ្តី Nguyen Xuan Phuc បានថ្លែងអំណរគុណជូនដល់ថ្នាក់ដឹកនាំជាន់ខ្ពស់ និងរដ្ឋាភិបាលគុយបាចំពោះការជួយវៀតណាមក្នុងការប្រយុទ្ធប្រឆាំងនឹងជំងឺ Covid-19។

លោកនាយករដ្ឋមន្រ្តី Nguyen Xuan Phuc ទទួលជួបឯកអគ្គរដ្ឋទូតគុយបា (រូបថត៖ vnanet.vn)

លោកនាយករដ្ឋមន្រ្តី Nguyen Xuan Phuc បានឲ្យដឹងថែមទៀតថា ក្រសួងការពារប្រទេសវៀតណាមបានទទួលបន្ទុកកិច្ចសហប្រតិបត្តិការជាមួយគុយបាក្នុងការប្រយុទ្ធប្រឆាំងនឹងជំងឺ Covid-19។ តាំងពីដើមខែមេសាមក ភាគីទាំងពីរតែងតែមានកិច្ចសន្ទនាតាមរយៈប្រព័ន្ធវីដេអូនៅគ្រប់ជាន់ថ្នាក់ដើម្បីចែករំលែកបទពិសោធន៍សំខាន់ក្នុងការប្រយុទ្ធប្រឆាំងនឹងជំងឺ Covid-19។ លោកនាយករដ្ឋមន្រ្តីសង្កត់ធ្ងន់ថា បក្ស រដ្ឋ និងប្រជាជនវៀតណាមនឹងធ្វើអស់ពីកម្លាំងកាយចិត្តដើម្បីពូនជ្រំទំនាក់ទំនងសាមគ្គីភាពជាប្រពៃណី ជួយគាំទ្រ និងសហប្រតិបត្តិការលើគ្រប់ជ្រុងជ្រោយវៀតណាម-គុយបា ជម្រុញឲ្យទំនាក់ទំនងរវាងប្រទេសទាំងពីរកាន់តែស៊ីជម្រៅ ជាក់ស្ដែង និងមានប្រសិទ្ធភាព។

លោកនាយករដ្ឋមន្រ្តីបញ្ជាក់ថា វៀតណាមត្រៀមខ្លួនជាស្រេចជម្រុញកិច្ចសហប្រតិបត្តិការរវាងប្រទេសទាំងពីរ ចូលរួមចំណែកជម្រុញការអភិវឌ្ឍសេដ្ឋកិច្ចរបស់ភាគីទាំងពីរ។ លោកក៏ចែករំលែកព័ត៌មាននិងបទពិសោធន៍របស់វៀតណាមក្នុងការប្រយុទ្ធប្រឆាំងនឹងជំងឺ Covid-19 ផងដែរ។

លោកស្រីឯកអគ្គរដ្ឋទូតគុយបាបានគូសបញ្ជាក់ថា គុយបាត្រៀមខ្លួនជាស្រេចសហប្រតិបត្តិការជាមួយវៀតណាមក្នុងការស្រាវជ្រាវ និងផលិតថ្នាំប្រឆាំងនឹងជំងឺ Covid-19 និយាយដោយឡែក និងឱសថដទៃទៀតនិយាយរួម។ លោកស្រីបានបញ្ជាក់ថា បក្ស រដ្ឋ និងប្រជាជនគុយបារំពឹងថា ថ្នាក់ដឹកនាំជាន់ខ្ពស់វៀតណាមនឹងបំពេញទស្សនកិច្ចនៅគុយបាដើម្បីជម្រុញទំនាក់ទំនងសហប្រតិបត្តិការលើវិស័យជាច្រើនរវាងប្រទេសទាំងពីរ៕

បកប្រែដោយ Thuy Anh