លោកនាយករដ្ឋមន្រ្តី Nguyen Xuan Phuc អញ្ជើញទៅដល់ទីក្រុង Vienna ចាប់ផ្ដើមដំណើរទស្សនកិច្ចជាផ្លូវការនៅសាធារណរដ្ឋអូទ្រីស
កប.អនឡាញ - នារសៀលថ្ងៃទី១៤ តុលា លោកនាយករដ្ឋមន្រ្តីវៀតណាម Nguyen Xuan Phuc និងលោកជំទាវបានដឹកនាំគណៈប្រតិភូជាន់ខ្ពស់វៀតណាមអញ្ជើញទៅដល់ព្រលានយន្តហោះអន្តរជាតិ Vienna នៅរដ្ឋធានី Vienna ចាប់ផ្ដើមដំណើរទស្សនកិច្ចជាផ្លូវការនៅសាធារណរដ្ឋអូទ្រីសតាមការអញ្ជើញរបស់លោកនាយករដ្ឋមន្រ្តីសាធារណរដ្ឋអូទ្រីស លោក Sebastian Kurz។
ទទួលស្វាគមន៍លោកនាយករដ្ឋមន្រ្តី Nguyen Xuan Phuc និងលោកជំទាវ ជាមួយគណៈប្រតិភូជាន់ខ្ពស់វៀតណាមនៅព្រលានយន្តហោះអន្តរជាតិ Vienna មានតំណាងនៃខុទ្ទការល័យនាយករដ្ឋមន្រ្តីសាធារណរដ្ឋអូទ្រីស លោកឯកអគ្គរដ្ឋទូតអូទ្រីសប្រចាំនៅវៀតណាម លោកឯកអគ្គរដ្ឋទូតវៀតណាមប្រចាំនៅអូទ្រីស Le Dung និងលោកជំទាវ រួមជាមួយឯកអគ្គរដ្ឋទូតនៃបណ្តាប្រទេសអាស៊ានប្រចាំនៅអូទ្រីស កម្មាភិបាលនៃស្ថានទូតវៀតណាមប្រចាំនៅអូទ្រីស និងតំណាងសមាគមវៀតណាមប្រចាំនៅអូទ្រីស និងនៅប្រទេសអឺរ៉ុបមួយចំនួនទៀតផង។
|
|
លោកនាយករដ្ឋមន្រ្តី Nguyen Xuan Phuc និងលោកជំទាវទៅដល់ព្រលានយន្តហោះអន្តរជាតិ Vienna (រូបថត៖ vnanet.vn) |
ពីថ្ងៃទី១៤ ដល់ថ្ងៃទី១៦ តុលា ក្នុងក្របខ័ណ្ឌនៃដំណើរទស្សនកិច្ចលើកនេះ លោក Nguyen Xuan Phuc នឹងជួបពិភាក្សាជាមួយនាយករដ្ឋមន្រ្តីអូទ្រីស ព្រមទាំងអញ្ជើញធ្វើជាសាក្សីក្នុងពីធីចុះហត្ថលេខាលើឯកសារសហប្រតិបត្តិការមួយចំនួនរវាងក្រសួង ស្ថាប័ននៃប្រទេសទាំពីរ។ តាមគម្រោង លោក Nguyen Xuan Phuc នឹងមានជំនួបជាមួយថ្នាក់ដឹកជាន់ខ្ពស់របស់អូទ្រីស។
លោក Nguyen Xuan Phuc ក៏ជួបសំណេះសំណាលជាមួយកម្មាភិបាលនៃស្ថានទូតវៀតណាម សមាគមវៀតណាមនៅអូទ្រីស និងនៅប្រទេសអឺរ៉ុបមួយចំនួន និងជួបជាមួយសហគ្រាសចម្បងមួយចំនួននៃប្រទេសអូទ្រីស។ ជាពិសេស លោក Nguyen Xuan Phuc នឹងអញ្ជើញចូលរួម និងថ្លែងសន្ទរកថានៅវេទិកាសហគ្រាសវៀតណាម-អូទ្រីស និងអញ្ជើញធ្វើជាសាក្សីក្នុងពីធីចុះហត្ថលេខាលើកិច្ចព្រមព្រៀងរវាងសហគ្រាសនៃប្រទេសទាំងពីរ៕
បកប្រែដោយ Thuy Anh