ពិធីបិទបញ្ចប់ឆ្នាំទេសចរណ៍ជាតិ២០១៨ - ទីក្រុង Ha Long - ខេត្ត Quang Ninh វៀតណាម
កប.អនឡាញ - នាយប់ថ្ងៃទី១៨ មករា នៅទីក្រុង Ha Long ខេត្ត Quang Ninh វៀតណាម បានប្រព្រឹត្តទៅពិធីបិទបញ្ចប់ឆ្នាំទេសចរណ៍ជាតិ២០១៨ - ទីក្រុង Ha Long - ខេត្ត Quang Ninh និង Gala អបអរសាទរចំពោះជោគជ័យនៃវេទិកា ATF 2019 និងឆ្នាំទេសចរណ៍ជាតិ ២០១៨។
អញ្ជើញចូលរួមពិធីមានវត្តមានរបស់ លោក Pham Minh Chinh សមាជិកការិយាល័យនយោបាយ លេខាមជ្ឈិមបក្សកុម្មុយនីស្តវៀតណាម និងជាប្រធានគណៈមជ្ឈិមបក្សឹ លោក Vuong Dinh Hue ឧបនាយករដ្ឋមន្ត្រីវៀតណាម និងតំណាង ភ្ញៀវទេសចរជាតិ និងអន្តរជាតិរាប់ពាន់នាក់ទៀតផង។
ឆ្នាំទេសចរណ៍ជាតិ២០១៨ ចំពោះទីក្រុង Ha Long - ខេត្ត Quang Ninh គឺជាឱកាសល្អសម្រាប់ខេត្ត Quang Ninh លើកកម្ពស់តួនាទីចំពោះមិត្តភក្តិ ភ្ញៀវទេសចរជាតិ និងអន្តរជាតិ ជម្រុញការតភ្ជាប់ក្នុងការអភិវឌ្ឍទេសចរណ៍រវាងមូលដ្ឋាននានា ពង្រីកសក្តានុពលទេសចរណ៍ កសាង និងធ្វើពិពិធកម្មផលិតផលទេសចរណ៍។ ព្រមទាំងបង្កលក្ខណៈងាយស្រួលដល់ខេត្ត Quang Ninh អភិវឌ្ឍន៍ទេសចរណ៍ ការធ្វើសមាហរណកម្មអន្តរជាតិ ការផ្សព្វផ្សាយពីរូបភាពនៃទឹកដី និងមនុស្សវៀតណាមនិយាយរួម និងខេត្ត Quang Ninh និយាយដោយឡែកដល់មិត្តភក្តិលើពិភពលោក៕
បកប្រែដោយ Thuy Anh