ជប៉ុនផ្ដល់ជំនួយឥតសំណងដល់គម្រោងចំនួន៦ នៅបណ្ដាខេត្តនៅភាគខាងត្បូងវៀតណាម
កប.អនឡាញ - នារសៀលថ្ងៃទី២០ ខែមីនា នៅស្ថានអគ្គកុងស៊ុលជប៉ុនប្រចាំនៅទីក្រុងហូជីមិញ ពិធីចុះហត្ថលេខាលើកិច្ចសន្យាផ្ដល់ជំនួយឥតសំណងក្នុងក្របខ័ណ្ឌនៃកម្មវិធីផ្ដល់ជំនួយឥតសំណងថ្នាក់តំបន់មូលដ្ឋានរបស់រដ្ឋាភិបាលជប៉ុនដល់គម្រោងសុខុមាលភាពសង្គមចំនួន៦ នៅស្រុក និងឃុំនានារបស់ខេត្ត Binh Phuoc ខេត្ត Kien Giang ខេត្ត Long An ខេត្ត Bac Lieu ខេត្ត Dak Lak និងខេត្ត Dak Nong វៀតណាមដោយមានតម្លៃជាង ៤៨៣,០០០ ដុល្លារអាមេរិកត្រូវបានប្រព្រឹត្តឡើង។
គម្រោងទាំងនេះរួមមានការកសាងមណ្ឌលស្ដារនីតិសម្បទា ជួយឧប្ថម្ភឧបករណ៍វេជ្ជសាស្ត្រ កសាងសាលាបង្រៀនអក្ស បង្រៀនវិជ្ជាជីវៈ គម្រោងផ្គត់ផ្គង់ទឹកស្អាត និងការសាងសង់បន្ទប់រៀនចំនួន៥ សម្រាប់សិស្សបឋមសិក្សា។ល។ យោងតាមស្ថានអគ្គកុងស៊ុលជប៉ុន គម្រោងទាំងនេះនឹងអនុវត្តក្នុងបំណងជួយកុមារ និងប្រជាជនត្រូវបានទទួលសេវាវេជ្ជសាស្ត្រទំនើប ទឹកស្អាត អប់រំ ជួយជនពិការភ្នែកក្នុងការបណ្តុះបណ្តាលវិជ្ជាជីវៈនិងអាចម្ចាស់ការក្នុងជីវិតរបស់ខ្លួន។
    |
 |
|
លោក Kawaue Junichi និងលោក Danh Ut ប្រធានសមាគមមិត្តភាពខេត្ត Kien Giang ចុះហត្ថលេខាលើកិច្ចសន្យាស្ដីពីការជួយឧប្ថម្ភឧបករណ៍វេជ្ជសាស្ត្រ (រូបថត៖ vnanet.vn) |
លោក Kawaue Junichi អគ្គកុងស៊ុលជប៉ុនប្រចាំនៅទីក្រុងហូជីមិញបានឲ្យដឹងថា កម្មវិធីផ្ដល់ជំនួយឥតសំណងនេះរបស់ជប៉ុនឆ្ពោះទៅការជម្រុញការធានាតម្រូវការអប្បបរមាឲ្យប្រជាជន ជាពិសេសគឺប្រជាជននៅតំបន់ឆ្ងាយដាច់ស្រយាល។ តាមរយៈកម្មវិធីជំនួយនេះ រដ្ឋាភិបាលជប៉ុនមានបំណងរួមដំណើរជាមួយការអភិវឌ្ឍរបស់វៀតណាម រួមចំណែកដល់ការដោះស្រាយបញ្ហាលំបាករបស់ប្រជាជន។
កាលពីឆ្នាំ១៩៩៥ ដល់បច្ចុប្បន្ននេះ រដ្ឋាភិបាលជប៉ុនបានផ្ដល់ជំនួយឥតសំណងដល់គម្រោង១៩៤ នៅខេត្តនិងទីក្រុងនៅភាគខាងត្បូងវៀតណាមចំនួន២៦ ដោយមានតម្លៃជាង ១៥.៥១៤ លានដុល្លារអាមេរិក។ គម្រោងជាច្រើនលើវិស័យអប់រំ សុខាភិបាល កសិកម្ម ហេដ្ឋារចនាសម្ព័ន្ធនៅជនបទបានឆ្លើយតបនឹងតម្រូវការរបស់ប្រជាជននៅទីនេះ៕
បកប្រែដោយ Thanh Cong