ជម្រុញកិច្ចសហប្រតិបត្តិការលើវិស័យការពារជាតិរវាងវៀតណាម -កាហ្សាក់ស្ថាន
កប.អនឡាញ - នារសៀលថ្ងៃទី១៩ មេសា នៅទីស្នាក់ការក្រសួងការពារប្រទេសវៀតណាម លោកនាយឧត្តមសេនីយ៍ Ngo Xuan Lich រដ្ឋមន្រ្តីក្រសួងការពារប្រទេសវៀតណាមបានទទួលជួបលោកឧត្តមសេនីយ៍ទោ Talgat Sabitovich Mukhtarov អនុរដ្ឋមន្រ្តីក្រសួងការពារជាតិនៃសាធារណរដ្ឋកាហ្សាក់ស្ថានដែលមកជួបសម្ដែងការគួរសមក្នុងឱកាសមកបំពេញទស្សនកិច្ចការងារនៅវៀតណាម។
|
|
លោកនាយឧត្តមសេនីយ៍ Ngo Xuan Lich ទទួលជួបលោកឧត្តមសេនីយ៍ទោ Talgat Sabitovich Mukhtarov |
ក្នុងឱកាសនេះដែរ លោកនាយឧត្តមសេនីយ៍ Ngo Xuan Lich មានបំណងថា ដំណើរទស្សនកិច្ចរបស់គណៈប្រតិភូក្រសួងការពារជាតិកាហ្សាក់ស្ថាននឹងរួមចំណែកបង្កើនការយល់ដឹងគ្នាទៅវិញទៅមករវាងកងទ័ព និងប្រជាជននៃប្រទេសទាំងពីរ។
លោកឧត្តមសេនីយ៍ទោ Talgat Sabitovich Mukhtarov ជូនដំណឹងទៅលោកនាយឧត្តមសេនីយ៍ Ngo Xuan Lich អំពីលទ្ធផលនៃកិច្ចប្រជុំរវាងគណៈប្រតិភូក្រសួងការពារជាតិកាហ្សាក់ស្ថាន និងគណៈប្រតិភូក្រសួងការពារប្រទេសវៀតណាមនៅពេលមុននេះ ហើយនិងបញ្ជាក់ថា លទ្ធផលនៃកិច្ចប្រជុំបានបង្កឱកាសថ្មីក្នុងកិច្ចសហប្រតិបត្តិការលើវិស័យការពារជាតិរវាងប្រទេសទាំងពីរ ជាពិសេសលើវិស័យដែលភាគីទាំងពីរមានឧត្តមភាពដូចជា បណ្ដុះបណ្ដាល និងឧស្សាហកម្មការពារជាតិ។ល៕
បកប្រែដោយ Thuy Anh