អគ្គនាយកដ្ឋានទី២ ទទួលគ្រឿងឥស្សរិយយសពលកម្មលំដាប់ថ្នាក់ទី ១ ពីសាធារណរដ្ឋប្រជាធិបតេយ្យប្រជាមានិតឡាវ
កប.អនឡាញ - នាថ្ងៃទី១៨ ធ្នូ ក្នុងឱកាសរំលឹកខួបអនុស្សាវរីយ៍លើកទី ៥៥ នៃការបង្កើតទំនាក់ទំនងការទូត វៀតណាម-ឡាវ និងលើកទី ៤០ នៃការចុះហត្ថលេខាលើសន្ធិសញ្ញាមិត្តភាព និងកិច្ចសហប្រតិបត្តិការ វៀតណាម-ឡាវ អគ្គនាយកដ្ឋានទី ២ នៃក្រសួងការពារប្រទេសវៀតណាម បានរៀបចំពិធីទទួលគ្រឿងឥស្សរិយយសពលកម្មលំដាប់ថ្នាក់ទី ១ ពីសាធារណរដ្ឋប្រជាធិបតេយ្យប្រជាមានិតឡាវ និងប្រគល់គ្រឿងឥស្សរិយយស ប័ណ្ណសរសើរជាច្រើនទៀត ផ្តល់ជូនដល់សមូហភាព និងបុគ្គលដែលមានស្នាដៃពិសេសក្នុងការកសាង ពង្រឹង និងពង្រីកទំនាក់ទំនងមិត្តភាពជាប្រពៃណី សាមគ្គីភាពពិសេស និងសហប្រតិបត្តិការលើគ្រប់ជ្រុងជ្រោយ រវាងបក្សទាំងពីរ រដ្ឋទាំងពីរ កងទ័ព និងប្រជាជននៃប្រទេសទាំងពីរ។
លោកនាយឧត្តមសេនីយ៍ Ngo Xuan Lich សមាជិកការិយាល័យនយោបាយ អនុលេខាគណៈកម្មាធិការបក្សយោធាមជ្ឈិម និងជារដ្ឋមន្ត្រីក្រសួងការពារប្រទេសវៀតណាមបានអញ្ជើញជាអធិបតីក្នុងពិធីនេះ។ អញ្ជើញចូលរួមក្នុងពិធីនេះ រួមមានលោកឧត្តមសេនីយ៍ឯក Nguyen Chi Vinh អនុរដ្ឋមន្ត្រីក្រសួងការពារប្រទេស និងលោកឧត្តមសេនីយ៍ទោ Le Hien Van អនុប្រធានអគ្គស្នងការនយោបាយកងទ័ពប្រជាជនវៀតណាម។
|
|
ពិធីទទួលគ្រឿងឥស្សរិយយសពលកម្មលំដាប់ថ្នាក់ទី១ ពីសាធារណរដ្ឋប្រជាធិបតេយ្យប្រជាមានិតឡាវ |
លោកឧត្តមសេនីយ៍ឯក Chansamone Channhalat សមាជិកការិយាល័យនយោបាយ និងជារដ្ឋមន្ត្រីក្រសួងការពារជាតិឡាវ ដែលទទួលសិទ្ធិពីប្រធានរដ្ឋនៃសាធារណរដ្ឋប្រជាធិបតេយ្យប្រជាមានិតឡាវ បានប្រគល់គ្រឿងឥស្សរិយយស ជូនអគ្គនាយកដ្ឋានទី២ និងបុគ្គល។
ក្នុងឱកាសនេះដែរ ប្រធានរដ្ឋនៃសាធារណរដ្ឋប្រជាធិបតេយ្យប្រជាមានិតឡាវក៏បានចុះហត្ថលេខាលើក្រិត្យស្តីពីការប្រគល់គ្រឿងឥស្សរិយយសពលកម្មលំដាប់ថ្នាក់ទី១ ជូនលោកឧត្តមសេនីយ៍ឯក Nguyen Chi Vinh និងថ្នាក់ដឹកនាំ ៤ រូបនៃអគ្គនាយកដ្ឋានទី២ ដោយមានការរួមវិភាគទានយ៉ាងសកម្មក្នុងការជំរុញកិច្ចសហប្រតិបត្តិការរវាងប្រទេសទាំងពីរផងដែរ៕
បកប្រែដោយ Thanh Cong